ବହୁ ଚର୍ଚ୍ଚିତ ଅଯୋଧ୍ୟା ମାମଲାରେ ଶୁକ୍ରବାର ମଧ୍ୟ ଶୁଣାଣି ହେବ। ସପ୍ତାହର ସମସ୍ତ ପାଞ୍ଚଟି କାର୍ଯ୍ୟଦିବସରେ ଏହି ମାମଲାର ଶୁଣାଣି ହେବ। ସାଧାରଣତଃ ସାମ୍ବିଧାନିକ ପୀଠ ମଙ୍ଗଳ, ବୁଧ ଓ ଗୁରୁବାର ହିଁ ବସିଥାଏ। ଏହା ପୂର୍ବରୁ ସିଜେଆଇଙ୍କ ନେତୃତ୍ଵାଧୀନ ଖଣ୍ଡପୀଠ ଗୁରୁବାର ମାମଲାରେ କ୍ରମାଗତ ତୃତୀୟ ଦିନ ଶୁଣାଣି କରିଛନ୍ତି। ଏହି ସମୟରେ ହିନ୍ଦୁ ପକ୍ଷ ନିଜର ଦଲିଲ ରଖିଛନ୍ତି। ଯଦି ସପ୍ତାହର ୫ ଦିନ ଶୁଣାଣି ହେବ, ତେବେ ୪୯୧ ବର୍ଷର ଅଯୋଧ୍ୟା ମାମଲାର ଶୀଘ୍ର ନିଷ୍ପତ୍ତି ଆସିବା ନେଇ ସମ୍ଭାବନା ରହିଛି। ମୁଖ୍ୟ ବିଚାରପତି ରଂଜନ ଗୋଗେଇଙ୍କ ଅଧ୍ୟକ୍ଷତାରେ ଗଠିତ ୫ ଜଣିଆ ଖଣ୍ଡପୀଠ ଏହି ମାମଲାର ଶୁଣାଣି କରୁଛନ୍ତି।
Tags:
