ଆସନ୍ତା 12 ତାରିଖରୁ ଆଉ ଏକ ଲଘୁଚାପ ହେବା ନେଇ ସମ୍ଭାବନା ରହିଛି । ଏନେଇ ଭୁବନେଶ୍ୱର ଆଂଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ସୂଚନାନୁସାରେ, ବଙ୍ଗୋପସାଗରରେ ସୃଷ୍ଟି ହୋଇଥିବା ଲଘୁଚାପ ଫଳରେ ଗତ 6 ତାରିଖରୁ ରାଜ୍ୟରେ ଲଗାତାର ବର୍ଷା ହୋଇଥିଲା । କେତେକ ଜିଲ୍ଲାରେ ବନ୍ୟା ପରିସ୍ଥିତି ମଧ୍ୟ ସୃଷ୍ଟି ହୋଇଥିଲା । କିନ୍ତୁ ଗତକାଲିଠାରୁ ବର୍ଷାର ପରିମାଣ କମିବା ସହ ପାଗ ଶୁଖିଲା ରହିଥିଲା । ଏତତ୍ ବତୀତ ଆସନ୍ତା 12 ତାରିଖରେ ଆଉ ଏକ ଲଘୁଚାପ ହେବାର ସମ୍ଭାବନା ରହିଛି । ଏନେଇ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି । ଏହାର ପ୍ରଭାବରେ ଉତର ଓଡିଶାରେ ବର୍ଷା ହେବ । ବର୍ତ୍ତମାନ ସୁଦ୍ଧା 8 ପ୍ରତିଶତ ନିଅଣ୍ଟ ବର୍ଷା ହୋଇଛି । ଯାହା ଆଗାମୀ ଦିନରେ ଭରଣା ହୋଇଯିବ ବୋଲି ବିଭାଗ କହିଛି ।
Tags:
