ଭୁବନେଶ୍ଵର: ବରଗଡର ପ୍ରସିଦ୍ଧ ଧନୁଯାତ୍ରାର ନାଟକ ରୋଚକ ମୋଡ଼ରେ ପହଞ୍ଚିଛି। କଂସ ମହାରାଜାଙ୍କ ପ୍ରକୋପରେ ମଥୁରା ବାସୀ ତ୍ରାହି ତ୍ରାହି ଡାକୁଛନ୍ତି। ଶ୍ରୀକୃଷ୍ଣ-ବଳରାମ ଗୋପପୁର ଛାଡ଼ି ମଥୁରା ଅଭିମୁଖେ ଆସିଛନ୍ତି। ଧନୁଯାତ୍ରାର ଆଜି ଦଶମ ଦିନରେ କୃଷ୍ଣ-ବଳରାମଙ୍କ ହତ୍ୟା ପାଇଁ କଂସ ମହାରାଜା ଯୋଜନା ପ୍ରସ୍ତୁତି କରୁଥିବାର ଦୃଶ୍ୟ ଦେଖିବାକୁ ମିଳିବ। ସେହିପରି କାଳୀ ମନ୍ଦିରରେ କୁବୁଜା ଉଦ୍ଧାର, କୃଷ୍ଣ-ବଳରାମଙ୍କ ନଗର ଭ୍ରମଣ ଦେଖିବାକୁ ମିଳିବ। କୃଷ୍ଣ-ବଳରାମଙ୍କ ସୁଦାମା ମାଳି ଓ ରଜକଙ୍କ ସହ ସାକ୍ଷାତ ଦେଖିବାକୁ ମିଳିବ।


