ଭୁବନେଶ୍ଵର: ଆସନ୍ତା ୨୩ ତାରିଖରେ ବସିବ ମହାନଦୀ ଜଳ ବିବାଦ ଉପରେ ସର୍ବଦଳୀୟ ବୈଠକ। ବୈଠକରେ ନିଷ୍କର୍ଷ ଆଧାରରେ ଛତିଶଗଡ ଯାଇ ପକ୍ଷ ରଖିବେ ରାଜ୍ୟ ସରକାର ବୋଲି କହିଛନ୍ତି ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହ ଦେଓ। ରାଜୀବ ଭବନରେ ଶ୍ରୀ ସିଂହ ଦେଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଛି ମହାନଦୀ ଜଳ ବିବାଦ ଉପରେ ଆନ୍ତଃମନ୍ତ୍ରାଳୟ କମିଟି ବୈଠକ।
ଏହି ଅବସରରେ ଶ୍ରୀ ସିଂହ ଦେଓ କହିଛନ୍ତି ୨୦୧୮ ରେ ଗଠନ ହୋଇଥିବା ଟ୍ରିବୁନାଲର ଅବଧି ୧୩ ମାର୍ଚ୍ଚରେ ସରିବାକୁ ଯାଉଛି। ଏହାକୁ ବୃଦ୍ଧି କରିବାକୁ କେନ୍ଦ୍ର ସରକାରଙ୍କୁ ଅନୁରୋଧ କରାଯିବ। ଏ ନେଇ ରାଜ୍ୟର ସ୍ୱାର୍ଥ ସମ୍ୱନ୍ଧରେ ବୈଠକରେ ଆଲୋଚନା ହୋଇଛି ବୋଲି ସେ କହିଛନ୍ତି। ବୈଠକରେ ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନଙ୍କ ସମେତ କମିଟିର ଅନ୍ୟ ସଦସ୍ୟମାନେ ଉପସ୍ଥିତ ଥିଲେ।