ନୂଆଦିଲ୍ଲୀ: ପାକିସ୍ତାନ କ୍ରିକେଟ ବୋର୍ଡ (PCB)ର ପୂର୍ବତନ ଅଧ୍ୟକ୍ଷ ନଜାମ ସେଟ୍ଟି ICCକୁ “ଭାରତୀୟ କ୍ରିକେଟ ପରିଷଦ” ବୋଲି କହି ଏକ ନୂତନ ବିବାଦ ସୃଷ୍ଟି କରିଛନ୍ତି। ସେ ୨୦୨୬ ଟି୨୦ ବିଶ୍ୱକପ୍ ରୁ ବାଂଲାଦେଶକୁ ବାଦ ଦେବା ଏବଂ ସେହି ସ୍ଥାନରେ ସ୍କଟଲାଣ୍ଡକୁ ସୁଯୋଗ ଦେବା ପାଇଁ ICCର ନିଷ୍ପତ୍ତିକୁ ବିରୋଧ କରିଛନ୍ତି। ନଜାମ ସେଟ୍ଟି ତିନୋଟି ଭିନ୍ନ ପର୍ଯ୍ୟାୟ ପାଇଁ PCB ଅଧ୍ୟକ୍ଷ ଭାବରେ କାର୍ଯ୍ୟ କରିଛନ୍ତି ଏବଂ ଅନ୍ତର୍ଜାତୀୟ କ୍ରିକେଟର ନୀତି ଏବଂ ନିୟମାବଳୀ ବିଷୟରେ ଭଲ ଭାବରେ ଜାଣନ୍ତି। ନଜାମ ସେଟ୍ଟି ଯିଏ ପାକିସ୍ତାନ ମଧ୍ୟ ୨୦୨୬ ଟି୨୦ ବିଶ୍ୱକପ୍ ବର୍ଜନ କରିବା ଉଚିତ ବୋଲି କହିଥିଲେ।
BCCI ଦ୍ୱାରା ପରିଚାଳିତ ICC:
ଏଥିରେ କୌଣସି ସନ୍ଦେହ ନାହିଁ ଯେ, BCCI ହେଉଛି ବିଶ୍ୱର ସବୁଠାରୁ ଧନୀ କ୍ରିକେଟ ବୋର୍ଡ ଏବଂ ଅନ୍ୟାନ୍ୟ ବୋର୍ଡ ତୁଳନାରେ ବିଶ୍ୱ ସ୍ତରରେ ଏହାର ପ୍ରଭାବ ଅଧିକ। ନଜାମ ସେଟ୍ଟି ସିଧାସଳଖ ଏହା କହିନଥିଲେ। କିନ୍ତୁ ଦାବି କରିଥିଲେ ଯେ, ଅନ୍ତର୍ଜାତୀୟ କ୍ରିକେଟ ପରିଷଦ BCCI ଦ୍ୱାରା ପରିଚାଳିତ।
ଉଲ୍ଲେଖ ଯୋଗ୍ୟ ଯେ, ୨୦୨୬ ଟି୨୦ ବିଶ୍ୱକପ୍ ରୁ ବାଂଲାଦେଶକୁ ବାଦ ଦିଆଯିବା ପରେ ପାକିସ୍ତାନ କ୍ରିକେଟ୍ ବୋର୍ଡ ଅଧ୍ୟକ୍ଷ ମୋହସିନ୍ ନକଭି ଏକ ଅବଡା ବୟାନ ଦେଇଥିଲେ। ସେ କହିଥିଲେ ଯେ, ପାକିସ୍ତାନୀ ଦଳ ଟି୨୦ ବିଶ୍ୱକପ୍ ସେତେବେଳେ ଖେଳିବ, ଯେତେବେଳେ ପ୍ରଧାନମନ୍ତ୍ରୀ ଶାହବାଜ ସରିଫ୍ ଅନୁମତି ଦେବେ।
ଟେଲିକମ୍ ଏସିଆ ସ୍ପୋର୍ଟ ଅନୁଯାୟୀ, ପୂର୍ବତନ PCB ମୁଖ୍ୟ ନଜମ୍ ସେଟ୍ଟି କହିଛନ୍ତି ଯେ, ବାଂଲାଦେଶ ୨୦୨୬ ଟି୨୦ ବିଶ୍ୱକପ୍ ବୟକଟ୍ କରିଥିଲା, ଏବଂ PCB କ’ଣ ନିଷ୍ପତ୍ତି ନେଉଛି ତାହା ଦେଖିବାକୁ ବାକି ଅଛି। ସେ କହିଛନ୍ତି ଯେ, ମୋହସିନ୍ ନକଭି ଏହି ସମସ୍ତ ବିଷୟର ସୂକ୍ଷ୍ମତାକୁ ଭଲ ଭାବରେ ବୁଝନ୍ତି ଏବଂ ନିଶ୍ଚିତ ଭାବରେ ସଠିକ୍ ନିଷ୍ପତ୍ତି ନେବେ।
ନଜମ୍ ସେଟ୍ଟି ଆହୁରି କହିଛନ୍ତି ଯେ, “ଯଦି ଅନ୍ୟ ଦେଶମାନେ ପାକିସ୍ତାନ ସହିତ ମିଶିଯାଆନ୍ତି, ତେବେ ICC ଅନୁଭବ କରିବ ଯେ ଏହା ‘ଭାରତୀୟ କ୍ରିକେଟ୍ ପରିଷଦ’ ନୁହେଁ ବରଂ ଅନ୍ତର୍ଜାତୀୟ କ୍ରିକେଟ୍ ପରିଷଦ।”