ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ୱାନ ବିଜେପିର ସଦସ୍ୟତା ଅଭିଯାନ କାର୍ଯ୍ୟକ୍ରମରେ ଗତକାଲି ଖୋର୍ଦ୍ଧାରେ ଉଭୟ ବିଜେଡି ଏବଂ କଂଗ୍ରେସକୁ ଟାର୍ଗେଟ୍ କରିଥିବା ବେଳେ ଆଜି ଏହା ଉପରେ ଉଭୟ ଦଳର ବରିଷ୍ଠ ନେତା ପ୍ରତିକ୍ରିୟା ରଖିଛନ୍ତି । ବିଜେଡି ପକ୍ଷରୁ ଶଶୀଭୂଷଣ ବେହେରା ଏବଂ କଂଗ୍ରେସ ପକ୍ଷରୁ ସୁର ରାଉତରାୟ ନିଜର ଜବାବ ରଖିଛନ୍ତି । କାଳିଆ ଯୋଜନାକୁ ସମାଲୋଚନାକୁ ନେଇ ଶଶୀ କହିଛନ୍ତି, ‘କାଳିଆ’ରେ ଥିବା ତ୍ରୁଟି ବିଚ୍ୟୁତିକୁ ସରକାର ସଜାଡୁଛନ୍ତି, ସରକାରଙ୍କ କାଳିଆ ଯୋଜନାକୁ ସମସ୍ତେ ପ୍ରଶଂସା କରୁଛନ୍ତି, ଜନ ସମର୍ଥନ ହିଁ ପ୍ରମାଣ କରୁଛି ବିଜେଡି କେତେ ଲୋକପ୍ରିୟ । ସେହିପରି ସୁର ରାଉତରାୟ କହିଛନ୍ତି ବିଜେପି କୌଣସି ବିକାଶମୂଳକ କାର୍ଯ୍ୟ କରିନାହାନ୍ତି କେବଳ କଂଗ୍ରେସ ସମୟରେ ହିଁ ବିକାଶ ହୋଇଛି । କଂଗ୍ରେସରେ ବଂଶବାଦ ପ୍ରସଙ୍ଗର ବାସ୍ତବତା ନାହିଁ, କେବଳ ଗାନ୍ଧି ପରିବାର ପାଇଁ ଦେଶ ତିଷ୍ଟି ପାରିଛି, ସୋନିଆ ଗାନ୍ଧି ଦାୟିତ୍ବ ନେବା ପରେ ବିଜେପି ଭୟଭୀତ ବୋଲି ସୁର କହିଛନ୍ତି । ସେହିପରି ଓଡ଼ିଶାରେ ‘ଆୟୁଷ୍ମାନ ଭାରତ’ ଯୋଜନା ଲାଗୁ ହେବା ଆବଶ୍ୟବ ବୋଲି ଶିବରାଜ କହିଛନ୍ତି ।
