ଭୁବନେଶ୍ଵର: ଶିଳ୍ପ ସମ୍ପର୍କ ସଂହିତା ସଂଶୋଧନ ବିଲ 2026 କୁ ବିରୋଧ କରିଥିବା ଶ୍ରମିକ ସଂଗଠନର ନେତାମାନଙ୍କୁ ବିଜେପି କଟୁ ସମାଲୋଚନା କରିଛି। ଶ୍ରମିକମାନଙ୍କୁ ନେଇ ଯେଉଁମାନେ ରାଜନୀତି କରୁଛନ୍ତି ସେମାନେ ଏହି ଶ୍ରମ କୋଡକୁ ବିରୋଧ କରୁଛନ୍ତି ବୋଲି ରାଜ୍ୟ ବିଜେପି ମୁଖପାତ୍ର ଅନୀଳ ବିଶ୍ୱାଳ କହିଛନ୍ତି।
ସେ କହିଛନ୍ତି ଏହି ନୂତନ ଚାରୋଟି ଆଇନ ସଂଗଠିତ ଓ ଅଣସଂଗଠିତ କ୍ଷେତ୍ରରେ କାର୍ଯ୍ୟ କରୁଥିବା ଶ୍ରମିକମାନଙ୍କୁ ସର୍ବନିମ୍ମ ବେତନ ଦେବା କ୍ଷେତ୍ରରେ ସହାୟକ ହେବ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପରିକଳ୍ପିତ ଆତ୍ମନିର୍ଭର ଭାରତକୁ ସାକାର କରିବା ଦିଗରେ ଚାରୋଟି ଶ୍ରମ କୋଡ ସହାୟକ ହେବ ବୋଲି ସେ କହିଛନ୍ତି।