ଖୋର୍ଦ୍ଧା: ଆଜି ପୂର୍ବାହ୍ନରେ ଖୋର୍ଦ୍ଧା ଜିଲ୍ଲାପାଳ ଏବଂ ଜିଲ୍ଲା ମାଜିଷ୍ଟ୍ରେଟ୍ ଅମ୍ରିତ୍ ଋତୁରାଜ ଖୋର୍ଦ୍ଧା ପୌରାଞ୍ଚଳ ରାଧାବଲ୍ଲଭ ସାହିରେ ଥିବା ବିଶିଷ୍ଟ କ୍ରୀଡାବିତ୍, ସଂସ୍କୃତି ସମ୍ପନ୍ନ ବ୍ୟକ୍ତିତ୍ଵ ଦମ୍ପତି ରାଧା ଗୋବିନ୍ଦ ଦାସ ଏବଂ ତାଙ୍କର ଧର୍ମପତ୍ନୀ ଶେଫାଳିଙ୍କ ଦ୍ଵାରା ୧୯୮୫ ମସିହା ଜାନୁଆରୀ ୧୫ ତାରିଖରେ ସ୍ଥାପିତ କରାଯାଇଥିବା ରାଧା ଗୋବିନ୍ଦ ଶେଫାଳି ସଂଗ୍ରହ ଶାଳାକୁ ପରିଦର୍ଶନ କରି ଏହାର ସଂଗ୍ରହଣ କିମ୍ବଦନ୍ତୀକୁ ପ୍ରଂଶଂସା କରିଛନ୍ତି।
ରାଧା ଗୋବିନ୍ଦଙ୍କ ସୁପୁତ୍ର ପ୍ରାଣନାଥ ସ୍ୱୟଂଶାସିତ ମହା ବିଦ୍ୟାଳୟର ପ୍ରାକ୍ତନ ଓଡ଼ିଆ ବିଭାଗ ମୁଖ୍ୟ ଗୋପାଳ କୃଷ୍ଣ ଦାସ ବର୍ତ୍ତମାନ ଏହି ସଂଗ୍ରହ ଶାଳାର ତଦାରଖ କରୁଛନ୍ତି। ଏହି ସଂଗ୍ରହ ଶାଳରେ ରାଜ୍ୟ ସଂଗ୍ରହାଳୟ ପରି ୫୦ ରୁ ଉର୍ଦ୍ଧ୍ଵ ଦେଶର ବିରଳ ପ୍ରତ୍ନତତ୍ତ୍ଵ ଦ୍ରବ୍ୟ ସାଇତା ହୋଇ ରଖାଯାଇଛି। ସେହିପରି ରାଧା ଗୋବିନ୍ଦ ଦାସଙ୍କ ପିତା ଚକ୍ରଧର ଦାସ ୧୯୧୦ ମସିହାରେ ସ୍ଥାନୀୟ କଚେରୀରେ ଚାକିରି କରିଥିବା ବେଳେ ସେ ମଧ୍ୟ୍ୟ ବିରଳ ନଥି ପତ୍ର ଓ ତାଳପତ୍ର ପୋଥି ସଂଗ୍ରହ କରି ରଖିଥିବା ଶ୍ରୀ ଗୋପାଳ କୃଷ୍ଣ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ।
କ୍ରମଶଃ ଜନ ଜୀବନରୁ ହଜି ହଜି ଯାଉଥିବ ସଂଗ୍ରହ ଶାଳା ରେ ସାଇତା ହୋଇଥିବା ପ୍ରାଚୀନ ଦ୍ରବ୍ୟ ଯଥା କୃଷି ଉପକରଣ, ମୁଦ୍ରା ,ପାଇକଙ୍କ ଅସ୍ତ୍ର ଶସ୍ତ୍ର ଓଡିଶା ର ଗୌରବ ଓ ଗାରିମା ବୃଦ୍ଧି କରୁଥିବା ବେଳେ ବର୍ତ୍ତ ମନର ଯୁବପୀଢ଼ି ଏଭଳି ଓଡ଼ିଶାର ପ୍ରାଚୀନ କଳା ସ୍ଥାପ୍ୟାତ୍ୟ ଜାଣିବାର ଅବଶ୍ୟକତା ଅଛି ବୋଲି ଜିଲ୍ଲାପାଳ ପ୍ରକାଶ କରିଥିଲେ। ଏହି ଅବସରରେ ଖୋରଧା ଐତିହାସିକ ସମାଜର ସମ୍ପାଦକ ବୈକୁଣ୍ଠ ନାଥ ରାଜଗୁରୁ, ଦୈନିକ ସମାଜ ଖୋର୍ଦ୍ଧା ପ୍ରତିନିଧି ରାମନାରାୟଣ ଦାସ ଏବଂ ଗୋପାଳ କୃଷ୍ଣ ଦାସ ଖୋର୍ଦ୍ଧାର ଯଥାର୍ଥ ନାମ କରଣ ସମ୍ପର୍କ ରେ ଆଲୋଚନା କରିଥିଲେ।