ରେଙ୍ଗାଲି: ଆଦିତ୍ୟ ଆଲୁମିନିୟମ ଲପଙ୍ଗା ଦ୍ବାରା ସ୍ଥାନୀୟ କ୍ରୀଡାବିତ୍ ମାନଙ୍କୁ ନେଇ ଏକ ସମ୍ବର୍ଦ୍ଧନା କାର୍ଯ୍ୟକ୍ରମ ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମଟି ଆଦିତ୍ୟ ଗୋଷ୍ଠୀ ଉନ୍ନୟନ କାର୍ଯକ୍ରମର ପ୍ରକଳ୍ପ ଲକ୍ଷ୍ୟର ଅନ୍ତର୍ଗତ ଅଟେ। ଗ୍ରାମ ପ୍ରତିଭାକୁ ଲୋକ ଲୋଚନକୁ ଆଣିବାପାଇଁ ଏକ ପ୍ରଶିକ୍ଷକ ନିଯୁକ୍ତ କରାଯାଇଛି।
ଉକ୍ତ କାର୍ଯ୍ୟରେ ୫ ଗୋଟି ପଞ୍ଚାୟତ ( ଲପଙ୍ଗା, ବୋମାଲୋଇ, କତରବଗା, ଜଙ୍ଗଲା, ଘିଚାମୁରା) ର ୧୮ ଟି କ୍ଲବର କ୍ରିକେଟ୍ ଓ ଫୁଟବଲ୍ ର ଖେଳାଳୀମାନେ ଯୋଗ ଦେଇଥିଲେ। ଉକ୍ତ କାର୍ଯ୍ୟକ୍ରମର ମୁଖ୍ୟ ଉଦ୍ଦେଶ୍ୟ ହେଉଛି ଗ୍ରାମାଞ୍ଚଳ ରେ ଥିବା ଖେଳାଳୀ ମାନଙ୍କର ପ୍ରତିଭାକୁ ଲୋକ ଲୋଚନକୁ ଆଣିବା। ଇତି ଅବସରରେ ଖେଳାଳୀ ମାନଙ୍କୁ ଉତ୍ସାହ କରିବା ପାଇଁ କ୍ରିକେଟ୍ ଓ ଫୁଟବଲ୍ ର କ୍ରୀଡା ସାମଗ୍ରୀ ବିତରଣ କରାଯାଇଥିଲା।
ଉକ୍ତ କାର୍ଯ୍ୟକ୍ରମରେ ବୋମାଲୋଇ ପଞ୍ଚାୟତର ପୂର୍ବତନ ସରପଞ୍ଚ ଶେଷଦେବ ପ୍ରଧାନ, ଲପଙ୍ଗା ପଞ୍ଚାୟତର ସମିତିସଭ୍ୟ କିରଣ ବେହେରା, ସମାଜ ସେବୀ ସୁଶାନ୍ତ ବାରିକ, ସୁଧୀର ଗୁପ୍ତା ଉପସ୍ଥିତ ରହି ଖେଳାଳୀଙ୍କୁ ଉତ୍ସାହିତ କରିଥିଲେ ଓ ଆଦିତ୍ୟ ଆଲୁମିନିୟମ କାରଖାନାର ମାନବ ସମ୍ବଳ କ୍ଲଷ୍ଟ୍ର ର ମୁଖ୍ୟ ଡକ୍ଟର କ୍ରିଷ୍ଣା ପାଢ଼ୀ, କାରଖାନାର ମୁଖ୍ୟ ପରିଚାଳକ ଜଗନ୍ନାଥ ପ୍ରସାଦ ନାୟକ, ମାନବ ସମ୍ବଳ ମୁଖ୍ୟ ବିନୋଦା ନନ୍ଦ ଠାକୁର, ବାଣିଜ୍ୟର ମୁଖ୍ୟ ଅମିତ୍ ପଣ୍ଡା, ଉପସ୍ଥିତ ରହି ଖେଳାଳୀ ମାନଙ୍କର ଉଜ୍ଜଳ ଭବିଷ୍ୟତ କାମନା କରିଥିଲେ।
ସିଏସଆର୍ କ୍ଲଷ୍ଟର ମୁଖ୍ୟ ଶିବ ମହାପାତ୍ର ଉପସ୍ଥିତ ଖେଳାଳୀ ମାନଙ୍କୁ ଆଜିର କାର୍ଯ୍ୟକ୍ରମ ଉପରେ ଅବଗତ କରାଇଥିଲେ। ଉପ ପ୍ରବନ୍ଧକ ମନୋରଂଜନ ବେହେରା ମଞ୍ଚ ପରିଚାଳନା କରିଥିଲେ ଓ କାର୍ଯ୍ୟକ୍ରମଟି ସିଏସଆର୍ ମୁଖ୍ୟ ରବି ନିୱାସ ଙ୍କ ତତ୍ଵାବଧନରେ ପରିଚାଳିତ ହୋଇଥିଲା। ଆଦିତ୍ୟ ଆଲୁମିନିୟମର ଖେଳାଳୀ ମାନଙ୍କ ପାଇଁ ଏଭଳି ଉନ୍ନତି ମୂଳକ କାର୍ଯ୍ୟକ୍ରମ ପାଇଁ ପାରିପାର୍ଶ୍ବିକ ଅଞ୍ଚଳ କ୍ରୀଡାବିତ୍ ମାନେ ପ୍ରଶଂସା କରିଥିଲେ।