ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲାରେ ଆଗାମୀ ଜନଗଣନା–୨୦୨୭ ର ପ୍ରଥମ ପର୍ଯ୍ୟାୟ ‘ହାଉସ୍ ଲିଷ୍ଟିଙ୍ଗ ଓ ହାଉସିଂ ସେନସସ୍’ ସମ୍ପର୍କିତ ପ୍ରଶିକ୍ଷଣ କାର୍ଯ୍ୟକ୍ରମ ଆଜି ଛତ୍ରପୁର ଜିଲ୍ଲା ପରିଷଦ ସ୍ଥିତ ଋଷିକୁଲ୍ୟା ସମ୍ମିଳନୀ ଭବନରେ ଆୟୋଜିତ ହୋଇଯାଇଛି। ଆଜି ସକାଳ ୧୦ଟାରୁ ସନ୍ଧ୍ୟା ୫ଟା ପର୍ଯ୍ୟନ୍ତ ଚାଲିଥିବା ଏହି ପ୍ରଶିକ୍ଷଣ ଶିବିରରେ ଜିଲ୍ଲାର ବିଭିନ୍ନ ପ୍ରଶାସନିକ ଅଧିକାରୀ ଓ କର୍ମଚାରୀମାନେ ସକ୍ରିୟ ଭାଗ ନେଇଥିଲେ।
କାର୍ଯ୍ୟକ୍ରମରେ ଏଡିଏମ୍-କମ୍-ଡିଷ୍ଟ୍ରିକ୍ଟ ସେନସସ୍ ଅଫିସରଙ୍କ ନେତୃତ୍ୱରେ ଏସିଷ୍ଟାଣ୍ଟ ଡିରେକ୍ଟର/ଜିଲ୍ଲା ନୋଡାଲ୍ ଅଫିସର ଶ୍ରୀ ସୁଜିତ କୁମାର ପ୍ରଧାନ ଓ ଜିଲ୍ଲା ଇନ୍ଚାର୍ଜ ସନ୍ତୋଷ କୁମାର ଆଚାର୍ଯ୍ୟ ଉପସ୍ଥିତ ଥିଲେ। ଏହାସହ ଉପଜିଲ୍ଲାପାଳ ଓ ଅନ୍ୟାନ୍ୟ ବରିଷ୍ଠ ପ୍ରଶାସନିକ ଅଧିକାରୀମାନେ ମଧ୍ୟ ଯୋଗଦେଇ ପ୍ରଶିକ୍ଷଣକୁ ଦୃଢ଼ତା ଓ ଗମ୍ଭୀରତା ପ୍ରଦାନ କରିଥିଲେ।
ତହସିଲଦାର-କମ୍-ଚାର୍ଜ ଅଫିସରମାନେ, ୟୁଏଲବି/ଏନଏସିର ଏକ୍ସିକ୍ୟୁଟିଭ୍ ଅଫିସରମାନେ, ଡିଲିଂ ଆସିଷ୍ଟାଣ୍ଟ ଓ ଟେକ୍ନିକାଲ୍ ଆସିଷ୍ଟାଣ୍ଟମାନେ ମଧ୍ୟ ସଚେତନ ଭାବେ ଭାଗ ନେଇଥିଲେ। ଗଞ୍ଜାମ ଜିଲ୍ଲାର ବିଭିନ୍ନ ତହସିଲ ଓ ସହର ନିକାୟରୁ ପ୍ରାୟ ୨୩୭ ଜଣ ଅଧିକାରୀ ଓ କର୍ମଚାରୀ ଏହି କାର୍ଯ୍ୟକ୍ରମରଉପସ୍ଥିତ ଥିଲେ। ପ୍ରଶିକ୍ଷଣ ସମୟରେ ଘର ଗଣନା ପ୍ରକ୍ରିୟା,ତଥ୍ୟ ସଂଗ୍ରହ ପଦ୍ଧତି, ଡିଜିଟାଲ୍ ଏପ୍ଲିକେଶନର ବ୍ୟବହାର ଓ ସଠିକ୍ ତଥ୍ୟ ରେକର୍ଡିଂ ସମ୍ପର୍କରେ ଆଲୋଚନା ହୋଇଛି।