ସେପ୍ଟେମ୍ବର 7 ତାରିଖରେ ଚନ୍ଦ୍ରପୃଷ୍ଠରେ ଅବତରଣ କରିବ ଚନ୍ଦ୍ରଯାନ-2 । ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ)ର ପୂର୍ବାନୁମାନ ଅନୁଯାୟୀ ଚନ୍ଦ୍ରଯାନ-2 ଚଳିତ ମାସ 20 ତାରିଖରେ ଚନ୍ଦ୍ରପୃଷ୍ଠର ନିକଟତର ହେବାକୁ ଥିବା ବେଳେ ଆଗାମୀ ସେପ୍ଟେମ୍ବର 7ରେ ଚନ୍ଦ୍ରପୃଷ୍ଠରେ ଅବତରଣ କରିବ । ଇସ୍ରୋର ଅଧ୍ୟକ୍ଷ କେ ଶିବାନ ଚନ୍ଦ୍ରଯାନ-2 କାର୍ଯ୍ୟକ୍ରମ ବାବଦରେ ସୋମବାର କହିଛନ୍ତି, ଅଗଷ୍ଟ 20ରେ ଏହା ଚନ୍ଦ୍ର ନିକଟରେ ପହଂଚିବ ଏବଂ ସେପ୍ଟେମ୍ବର 7ରେ ଚନ୍ଦ୍ରପୃଷ୍ଠରେ ପହଞ୍ଚିବାକୁ ନେଇ ଆମେ ଯୋଜନା କରିଛୁ । ସେ କହିଛନ୍ତି, ଅଗଷ୍ଟ 14 ପରେ ଚନ୍ଦ୍ରଯାନ-2 ଚନ୍ଦ୍ରପୃଷ୍ଠର ଖୁବ ନିକଟତର ହୋଇଯିବ । ଅଗଷ୍ଟ 14 ଭୋର ସକାଳୁ ଚନ୍ଦ୍ରପୃଷ୍ଠ ନିକଟରେ ଚନ୍ଦ୍ରଯାନ-2 ପହଞ୍ଚିବ ।
