ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂ ରାଜ୍ୟସଭା ନିମନ୍ତେ ପ୍ରାର୍ଥୀପତ୍ର ଦାଖଲ କରିଛନ୍ତି । ରାଜସ୍ଥାନ ରାଜ୍ୟସଭା ସାଂସଦ ପଦବୀ ପାଇଁ ଅନୁଷ୍ଠିତ ହେବାକୁ ଥିବା ଉପ ନିର୍ବାଚନ ପାଇଁ ମନମୋହନ ସିଂ ନିଜର ନାମାଙ୍କନ ଦାଖଲ କରିଛନ୍ତି । 86 ବର୍ଷୀୟ ମନମୋହନ ସିଂଙ୍କ ବିମାନବନ୍ଦରରୁ ପାଛୋଟି ନେଇଥିଲେ ରାଜସ୍ଥାନ କଂାଗ୍ରେସ ସଭାପତି ତଥା ଉପ ମୁଖ୍ୟମନ୍ତ୍ରୀ ସଚିନ୍ ପାଇଲଟ୍ । କଂଗ୍ରେସ ନିକଟରେ 100 ବିଧାୟକ ରହିଥିବା ବେଳେ 6 ଜଣ ବିଏସ୍ପି ଏବଂ 12 ଜଣ ସ୍ବାଧୀନ ବିଧାୟକ କଂଗ୍ରେସକୁ ସର୍ମଥନ କରୁଛନ୍ତି । 14 ତାରିଖ ନାମାଙ୍କନ ଦାଖଲର ଶେଷ ତାରିଖ ରହିଥିବା ବେଳେ ସଚିନ୍ ପାଇଲଟ୍ ଏବଂ ଅନ୍ୟାନ୍ୟ ବରିଷ୍ଠ ନେତୃତ୍ବଙ୍କ ଉପସ୍ଥିତିରେ ମନମୋହନ ସିଂ ନିଜର ନାମାଙ୍କନ ଦାଖଲ କରିଛନ୍ତି । ଏହି ଆସନ ପାଇଁ ବିଜେପି ନିଜର ପ୍ରାର୍ଥୀ ତାଲିକା ଘୋଷଣା କରିନାହିଁ । ଆସନ୍ତା 26 ତାରିଖରେ ନିର୍ବାଚନ ହେବା ସହିତ ସମାନ ଦିନରେ ଫଳାଫଳ ପ୍ରକାଶ ପାଇବ ।
Tags:
