ଖୋର୍ଦ୍ଧା: ଖୋର୍ଦ୍ଧା ସଦର ମହକୁମାଠାରେ ଦେଶର ଅଗ୍ରଣୀ ବ୍ୟାଙ୍କ ଭାରତୀୟ ଷ୍ଟେଟବ୍ୟାଙ୍କ ତାହାର ଖୋର୍ଦ୍ଧା ଟାଉନ୍ ଶାଖା ଚଣ୍ଡିଚୁଆ ଷ୍ଟେଟ୍ ବ୍ୟାଙ୍କର ଶୁଭାରମ୍ଭ କରିଛନ୍ତି। ଭାରତୀୟ ଷ୍ଟେଟବ୍ୟାଙ୍କର ମୁଖ୍ୟ ମହାପ୍ରବନ୍ଧକ ଏ.ଡି. ରତ୍ନା ତେଜା ମୁଖ୍ୟ ଅତିଥି ଭାବେ ଯୋଗଦେଇ ଏହି ଚଣ୍ଡିଚୁଆ ନୂତନ ଭାରତୀୟ ଷ୍ଟେଟବ୍ୟାଙ୍କ ଶାଖା ଉଦ୍ଘାଟନ ପୂର୍ବକ ଶୁଭାରମ୍ଭ କରି ସ୍ଥାନୀୟ ଲୋକଙ୍କ ବ୍ୟାଙ୍କ ନେଣ ଦେଣ ସମସ୍ୟାକୁ ଦୂର କରିବା ସହ ଜନସାଧାରଣଙ୍କୁ ଆର୍ଥିକ କାରବାର ପାଇଁ ପଥ ଉନ୍ମୁକ୍ତ କରିବ ବୋଲି ପ୍ରକାଶ କରିଥିଲେ।
ଏହି ଶୁଭାରମ୍ଭ କାର୍ଯ୍ୟ କ୍ରମରେ ଉପ ମହାପ୍ରବନ୍ଧକ ପ୍ରଶାନ୍ତ କୁମାର, କ୍ଷେତ୍ରୀୟ ପ୍ରବନ୍ଧକ ଭଗତ ବେହେରା, ନୂତନ ଶାଖାର ପରିଚାଳକ ସମେତ ବ୍ୟାଙ୍କ କାର୍ଯ୍ୟାଳୟ କର୍ମଚାରୀ ଏବଂ ମାନ୍ୟଗଣ୍ୟ ବ୍ୟକ୍ତି ଯୋଗଦେଇଥିଲେ। ପ୍ରକାଶ ଥାଉକି ମୁଖ୍ୟ ମହାପ୍ରବନ୍ଧକ ଏ. ଡି. ରତ୍ନା ତେଜା ନୟାଗଡ଼ ଜିଲ୍ଲାର ଗଣିଆ ଠାରେ ମଧ୍ୟ ଏକ ନୂତନ ଷ୍ଟେଟ୍ ବ୍ୟାଙ୍କ୍ ଶାଖା ଶୁଭାରମ୍ଭ କରିଛନ୍ତି।