କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀ ଏବଂ ଜମ୍ମୁ କାଶ୍ମୀର ରାଜ୍ୟପାଳ ସତ୍ୟପାଲ ମଲିକ୍ଙ୍କ ମଧ୍ୟରେ କଥା କଟାକଟି ଜାରି ରହିଛି । ଗତକାଲି ରାଜ୍ୟପାଳ ରାହୁଲଙ୍କୁ ଜମ୍ମୁ କାଶ୍ମୀର ଆସିବା ପାଇଁ ଆମନ୍ତ୍ରଣ ପ୍ରଦାନ କରିଥିବା ବେଳେ ସ୍ବତନ୍ତ୍ର ବିମାନ ପଠାଇବାର ବ୍ୟବସ୍ଥା କରିବା ନେଇ କହିଥିଲେ । ଏହାର ଜବାବରେ ରାହୁଲ କହିଛନ୍ତି ମୁଁ ଜମ୍ମୁ ଏବଂ କାଶ୍ମୀର ଗସ୍ତ କରିବାକୁ ଚାହୁଁଛି ମାତ୍ର ବିନା କୌଣସି ସର୍ତ୍ତରେ । ରାହୁଲ ନିଜ ଟ୍ବିଟ୍ଟରେ ମଲିକ୍କୁ ମାଲିକ(ପ୍ରଭୁ) ଭାବରେ ଲେଖିଥିଲେ । ପ୍ରଥମେ ରାହୁଲ ଜମ୍ମୁ କାଶ୍ମୀରରେ ହିଂସା ଚାଲିଛି ଏବଂ ତାଙ୍କୁ ପ୍ରବେଶ କରି ଲୋକଙ୍କ ସହିତ କଥ ହେବାର ସୁଯୋଗ ମିଳୁନାହିଁ ବୋଲି ଟ୍ବିଟ୍ କରିଥିଲେ । ଏହାପର ଠାରୁ ଉଭୟ ମଲିକ୍ ଏବଂ ରାହୁଲଙ୍କ ମଧ୍ୟରେ ଏହି ଟ୍ବିଟ୍ ଲଢେଇ ଜାରି ରହିଛି ।
Tags:
