ଦେଶ ଛାଡି ପଳାୟନ କରୁଥିବା ଜନୈକ କାଶ୍ମୀରି ନେତାଙ୍କୁ ଦିଲ୍ଲୀରୁ ଗିରଫ କରାଯାଇଛି । ପ୍ରଶାସନିକ ସେବାରୁ ରାଜନୀତିରେ ଯୋଗ ଦେଇଥିବା ଶାହ ଫୈଜଲ୍ଙ୍କୁ ଦିଲ୍ଲୀରୁ ଗିରଫ କରାଯିବା ପରେ ପୁନର୍ବାର କାଶ୍ମୀର ଫେରାଇ ଦିଆଯାଇଛି । ଶାହ ଫୈଜଲ୍ଙ୍କୁ ବର୍ତ୍ତମାନ ଗୃହବନ୍ଦୀ ଭାବରେ ରଖାଯିବ । ନିଜ ସମୟର ୟୁପିଏସ୍ସି ଟପ୍ପର ରହିଥିବା ଗତବର୍ଷ ପ୍ରଶାସନିକ ସେବାରୁ ସ୍ବେଚ୍ଛାକୃତ ଅବସର ଗ୍ରହଣ କରିଥିବା ଫୈଜଲ୍ ରାଜନୀତିରେ ଯୋଗ ଦେଇଥିଲେ । ଧାରା 370 ଉଚ୍ଛେଦ ନେଇ ସୋସିଆଲ ମିଡିଆରେ ବିଭିନ୍ନ ସମୟରେ ବିବାଦୀୟ ମନ୍ତବ୍ୟ ପ୍ରଦାନ କରିବା ସହିତ ବିରୋଧ କରିଥିଲେ ।
