ନୂଆଦିଲ୍ଲୀ: ୨୦୨୬ ଆଇପିଏଲ ରେ ରାଜସ୍ଥାନ ରୟାଲ୍ସ ଏବଂ ଚେନ୍ନାଇ ସୁପର କିଙ୍ଗ୍ସ ଆଜି ସେମାନଙ୍କର ଅଭିଯାନ ଆରମ୍ଭ କରିବେ। RR ଏବଂ CSK ମଧ୍ୟରେ ଏହି ମ୍ୟାଚ୍ ଗୌହାଟିର ବରସାପାରା କ୍ରିକେଟ୍ ଷ୍ଟାଡିୟମ୍ରେ ଖେଳାଯିବ। ମ୍ୟାଚ୍ ସମୟରେ ବର୍ଷା ହେବାର ସମ୍ଭାବନା ଅଛି। ମେଘୁଆ ପରିସ୍ଥିତି ପିଚ୍କୁ ମଧ୍ୟ ପ୍ରଭାବିତ କରିବ, ଯାହା ଫଳରେ ଟସ୍ ଜିତିବା ଗୁରୁତ୍ୱପୂର୍ଣ୍ଣ।
ଆଜି ପ୍ରଥମ IPLର ବିଜେତାମାନେ ପାଞ୍ଚ ଥର ଚାମ୍ପିଅନ୍ ଚେନ୍ନାଇ ସୁପର କିଙ୍ଗ୍ସ ସହିତ ମୁହାଁମୁହିଁ ହେବେ। ମ୍ୟାଚ୍ ସନ୍ଧ୍ୟା ୭:୩୦ ରେ ବରସାପାରା କ୍ରିକେଟ୍ ଷ୍ଟାଡିୟମ୍ରେ ଆରମ୍ଭ ହେବ, ଟସ୍ ସନ୍ଧ୍ୟା ୭ ଟାରେ ହେବ। ଏମଏସ ଧୋନି ଏବଂ ଡେୱାଲ୍ଡ ବ୍ରେଭିସ୍ ଉପଲବ୍ଧ ନଥିବାରୁ CSK ଅନେକ ବିପର୍ଯ୍ୟୟର ସମ୍ମୁଖୀନ ହୋଇଛି। ଆଜିର ମ୍ୟାଚ ଅନେକ ଦୃଷ୍ଟିରୁ ରୋମାଞ୍ଚକର। କାରଣ ସଞ୍ଜୁ ସାମସନ୍ ୟେଲୋ ଆର୍ମି ପାଇଁ ଡେବ୍ୟୁ କରିବେ, ଏବଂ ରବିନ୍ଦ୍ର ଜାଡେଜା ଚେନ୍ନାଇ ବିପକ୍ଷରେ ପଡ଼ିଆକୁ ଓହ୍ଲାଇବେ।
ବରସାପାରା ଷ୍ଟାଡିୟମ୍ର IPL ରେକର୍ଡ କ’ଣ?:
ବରସାପାରା ପୂର୍ବରୁ ଛଅଟି ଆଇପିଏଲ ମ୍ୟାଚ୍ ଆୟୋଜନ କରିଛି। ପ୍ରଥମେ ବ୍ୟାଟିଂ କରିଥିବା ଦଳ ତିନି ଥର ଜିତିଛି, ଏବଂ ପିଛା କରିଥିବା ଦଳ ଦୁଇଥର ଜିଟିଛି। ତଥାପି, ଏକ ଆକର୍ଷଣୀୟ ପରିସଂଖ୍ୟାନ ହେଉଛି ଯେ, ଚାରି ଥର ଯେଉଁ ଦଳର ଅଧିନାୟକ ଟସ୍ ହାରିଛନ୍ତି ସେମାନେ ଜିତିଥିବାବେଳେ ଟସ୍ ଜିତିଥିବା ଦଳ କେବଳ ଥରେ ଜିତିଛି।
ଆରଆର ବନାମ ସିଏସକେ ହେଡ୍-ଟୁ-ହେଡ୍ ରେକର୍ଡ
ମୋଟ ମ୍ୟାଚ୍: ୩୧
ଚେନ୍ନାଇ ସୁପର କିଙ୍ଗ୍ସ: ୧୬
ରାଜସ୍ଥାନ ରୟାଲ୍ସ: ୧୫
ଆଜି ଗୌହାଟୀରେ ପାଗ କିପରି ରହିବ?
ରାଜସ୍ଥାନ ରୟାଲ୍ସ ବନାମ ଚେନ୍ନାଇ ସୁପର କିଙ୍ଗ୍ସ ମ୍ୟାଚ୍ ସମୟରେ ବର୍ଷା ଆକଳନ କରାଯାଇଛି। ଟସ୍ ସନ୍ଧ୍ୟା ୭ ଟାରେ ହେବ, ବର୍ଷାର ସମ୍ଭାବନା ୧୫ ପ୍ରତିଶତ। ସନ୍ଧ୍ୟା ୯ ଟାରେ ବର୍ଷା ସମ୍ଭାବନା ଅଛି। ତେଣୁ ଟସ୍ ଗୁରୁତ୍ୱପୂର୍ଣ୍ଣ ଅଟେ।
ବରସାପାରା ଷ୍ଟାଡିୟମ୍ ପିଚ୍ ରିପୋର୍ଟ
ବରସାପାରା ଷ୍ଟାଡିୟମ୍ ପିଚ୍ ଲାଲ ମାଟିରେ ତିଆରି, ଯାହା ସାଧାରଣତଃ ସମତଳ। ବ୍ୟାଟ୍ସମ୍ୟାନମାନେ ଏଠାରେ ବୋଲରଙ୍କ ଅପେକ୍ଷା ଅଧିକ ସାହାଯ୍ୟ ପାଆନ୍ତି। କିନ୍ତୁ ଦ୍ରୁତ ବୋଲରମାନେ ପ୍ରଥମ ୪-୫ ଓଭରରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିପାରନ୍ତି। ଟସ୍ ଜିତି ପ୍ରଥମେ ବୋଲିଂ କରିବା ବୁଦ୍ଧିମାନର କାମ ହେବ।