ଚିତ୍ର ଶିଳ୍ପୀ ସୁଧୀର କୁମାର ସ୍ୱାଇଁଙ୍କୁ ସମ୍ମାନୀତ

ରେଢ଼ାଖୋଲ (କନ୍ଦର୍ପ ବେହେରା): ଅନୁଗୋଳ ଜିଲ୍ଲା କିଶୋରନଗର ଅଗ୍ରଣୀ ଅନୁଷ୍ଠାନ ଉତ୍କଳ ସମ୍ମିଳନୀ, (କିଶୋର ନଗର ଶାଖା) , ‘କଳ୍ପତରୁ’ ଏବଂ ଆମ ଗାଁ ଆମ ବିଚାର ମଞ୍ଚ ତରଫରୁ ସ୍ଥାନୀୟ ସରକାରୀ ଶିକ୍ଷା ପ୍ରତିଷ୍ଠାନ, କିଶୋରନଗର ଠାରେ ଉତ୍କଳ ଦିବସ ପାଳନ ଅବସରରେ ରେଢ଼ାଖୋଲର ଚିତ୍ରଶିଳ୍ପୀ ସୁଧୀର କୁମାର ସ୍ୱାଇଁ ଙ୍କୁ ସମ୍ମାନୀତ କରାଯାଇଥିଲା। ଆଠମଲ୍ଲିକର ପ୍ରାକ୍ତନ ବିଧାୟକ ରମେଶ ଚନ୍ଦ୍ର ସାଏ, ସୁସାହିତ୍ୟିକ ସଂଗ୍ରାମକେଶରୀ ପୃଷ୍ଟି, ବରିଷ୍ଠ ସାମ୍ବାଦିକ ସତ୍ୟ ସୁନ୍ଦର ଭଞ୍ଜ ଓ ବରିଷ୍ଠ ସାମ୍ବାଦିକ ସୁଦର୍ଶନ ଛୋଟରାୟ, ଅନୁଷ୍ଠାନର ସଭାପତି ଡା. ଅଲେଖ କୁମାର ପ୍ରଧାନ ଓ ସୁଧୀ ରଞ୍ଜନ ପ୍ରଧାନ ପ୍ରମୁଖ ଉପସ୍ଥିତ ହୋଇ ମାନପତ୍ର ଓ ଉପଢୌକନ ଏବଂ ଚାରା ଗଛ ପ୍ରଦାନ କରି ସମ୍ମାନୀତ କରିଥିଲେ। ସୂଚନା ଯୋଗ୍ୟ ଯେ,ଚିତ୍ର ଶିଳ୍ପୀ ସୁଧୀର କୁମାର ସ୍ୱାଇଁ ଅଧୁନା ସ୍ଥାନୀୟ ଟାଟା ଡ଼ିଏଭି ସ୍କୁଲ ଯୋଡ଼ାରେ ଫାଇନ ଆର୍ଟ ବିଭାଗରେ ଅଧ୍ୟାପନା କରୁଛନ୍ତି।