ଜମ୍ମୁ କାଶ୍ମୀରର ବିଭିନ୍ନ ଅଞ୍ଚଳରୁ ଧାରା 144 ଉଠିବା ପରେ ଧିରେ ଧିରେ ପରସ୍ଥିତି ସ୍ବାଭାବିକ ହେବାରେ ଲାଗିଛି । ଜମ୍ମୁରେ 2ଜି ଇଣ୍ଟରନେଟ୍ ସେବା ସହିତ ଭଏସ୍ କଲ୍ ସେବା ଶନିବାର ଠାରୁ ଆରମ୍ଭ ହୋଇଛି । ଏହା ସହିତ ରଜୌରୀରେ ମଧ୍ୟ ଧାରା 144 ଉଠାଇ ଦିଆଯାଇଛି । ଗତକାଲି କାଶ୍ମୀରର ବିଭିନ୍ନ ଅଞ୍ଚଳରେ ଲ୍ୟାଣ୍ଡଲାଇନ୍ ସେବା ଆରମ୍ଭ ନିମନ୍ତେ ଘୋଷଣା କରାଯାଇଥିଲା । ଶନିବାର 17ଟି ଏକ୍ସଚେଞ୍ଜରେ ବିଏସ୍ଏନ୍ଏଲ୍ର ସେବା ଆରମ୍ଭ କରାଯାଇଛି । ମଧ୍ୟ କାଶ୍ମୀରର ବଡଗାମ୍, ସୋନା ମାର୍ଗ ଏବଂ ମଣିଗାମରେ ଏହି ସେବା ପୁନର୍ବାର ଆରମ୍ଭ ହୋଇଛି । ସେହିପରି ଶ୍ରୀନଗର ବିମାନବନ୍ଦର , ସିଭିଲ୍ ଲାଇନ୍ସ ଏବଂ କ୍ୟାଣ୍ଟନମେଣ୍ଟ ଅଞ୍ଚଳରେ ଏହି ସେବା ଆରମ୍ଭ କରାଯାଇଛି ।
Tags:
