ଅଗଷ୍ଟ ମାସରେ ବିଦେଶୀ ପୁଞ୍ଜିନିବେଶରେ ହ୍ରାସ ଘଟିଛି । ପୁଞ୍ଜିନିବେଶ ପରିମାଣ ହ୍ରାସ ପାଇ 8319 କୋଟିରେ ପହଞ୍ଚିଛି । ପୂର୍ବରୁ ଏହି ରାଶିର ପରିମାଣ 10416.25 କୋଟି ଟଙ୍କା ରହିଥିଲା । ଅଗଷ୍ଟ 1-16 ମଧ୍ୟରେ ସମୁଦାୟ କ୍ଷତିର ପରିମାଣ 2096.38 କୋଟିରେ ପହଞ୍ଚିଛି । ମର୍ଣ୍ଣିଙ୍ଗଷ୍ଟାର ପକ୍ଷରୁ ପ୍ରକାଶିତ ଏହି ରିପୋର୍ଟ ଅନୁଯାୟୀ 10ଦିନ ମଧ୍ୟରୁ 9 ଦିନର ଟ୍ରେଡିଙ୍ଗ ନକରାତ୍ମକ ରହିଥିଲା । ବର୍ଦ୍ଧିତ କର ବ୍ୟବସ୍ଥା ବିଦେଶୀ ପୁଞ୍ଜିନିବେଶ ହ୍ରାସର ମୁଖ୍ୟ କାରଣ ବୋଲି ମର୍ଣ୍ଣିଙ୍ଗଷ୍ଟାରର ଅର୍ଥନୀତିଜ୍ଞ ହିମାଂଶୁ ଶ୍ରୀବାସ୍ତବ ସୂଚନା ଦେଇଛନ୍ତି । ଏହି ସମୟରେ ଭାରତୀୟ ସେୟାର ବଜାର ମଧ୍ୟ 270 ପଏଣ୍ଟ ହ୍ରାସ ପାଇଛି ।
Tags:
