ପୂର୍ବତନ ବିହାର ମୁଖ୍ୟମନ୍ତ୍ରୀ ଜଗନ୍ନାଥ ମିଶ୍ରଙ୍କ ପରଲୋକ ହୋଇଛି । ସୋମବାର ନୂଆଦିଲ୍ଲୀର ଏକ ଘରୋଇ ହସ୍ପିଟାଲରେ 82 ବର୍ଷରେ ପ୍ରାଣ ହରାଇଛନ୍ତି ବିହାରର ଏହି ପୂର୍ବତନ ମୁଖ୍ୟମନ୍ତ୍ରୀ । ତିନିଥର ବିହାରର ମୁଖ୍ୟମନ୍ତ୍ରୀ ରହିଥିବା ମିଶ୍ର ବିଗତ କିଛି ମାସ ଧରି ଅସୁସ୍ଥ ରହିଥିଲେ । ତିନି ଥର ବିହାରର ମୁଖ୍ୟମନ୍ତ୍ରୀ ରହିବା ସହିତ ସେ କେନ୍ଦ୍ର ସରକାରରେ କ୍ୟାବିନେଟ୍ ମନ୍ତ୍ରୀ ମଧ୍ୟ ରହିଛନ୍ତି । ରାଜନୀତିରେ ଯୋଗ ଦେବା ପୂର୍ବରୁ ବିହାର ବିଶ୍ବବିଦ୍ୟାଳୟରେ ଜଣେ ଅର୍ଥନୀତି ପ୍ରଫେସର ରହିଥିଲେ ମିଶ୍ର । କଂଗ୍ରେସ ପକ୍ଷରୁ ମୁଖ୍ୟମନ୍ତ୍ରୀ ରହିଥିବା ମିଶ୍ର ପରେ ଏନ୍ସିପି ଏବଂ ଜେଡିୟୁରେ ଯୋଗଦାନ କରିଥିଲେ । ଚାରା ଦୁର୍ନୀତି ମାମଲାର ଅଭିଯୁକ୍ତ ଥିଲେ ମଧ୍ୟ କୋର୍ଟ ତାଙ୍କୁ ଏହି ଅଭିଯୋଗରୁ ମୁକ୍ତ କରିଥିଲେ । ଜଗନ୍ନାଥ ମିଶ୍ରଙ୍କ ପରଲୋକରେ ବିଭିନ୍ନ ରାଜନୈତିକ ଦଳ ପକ୍ଷରୁ ଶୋକ ପ୍ରକାଶ କରାଯାଇଛି ।
Tags:
