ଯୋଗୀ ସରକାରଙ୍କ କ୍ୟାବିନେଟ୍ରୁ ଇସ୍ତଫା ପ୍ରଦାନ କରିଛନ୍ତି ଉତ୍ତରପ୍ରଦେଶ ବିଜେପି ମୁଖ୍ୟ ସ୍ବତନ୍ତ୍ର ଦେବ ସିଂ । ସୋମବାର ମିଳିଥିବା ସୂଚନା ଅନୁଯାୟୀ ସ୍ବତନ୍ତ୍ର ଦେବ ନିଜର ଇସ୍ତଫା ମୁଖ୍ୟମନ୍ତ୍ରୀଙ୍କୁ ପ୍ରଦାନ କରିଛନ୍ତି । ବିଜେପିର ନିୟମ ‘ଜଣେ ବ୍ୟକ୍ତି, ଗୋଟିଏ ପଦ’ ପାଇଁ କ୍ୟାବିନେଟ୍ ପଦବୀ ଛାଡିଛନ୍ତି ସ୍ବତନ୍ତ୍ର ଦେବ । ସ୍ବତନ୍ତ୍ର ଦେବଙ୍କ ଇସ୍ତଫା ପରେ ଯୋଗୀଙ୍କ କ୍ୟାବିନେଟ୍ ମନ୍ତ୍ରୀଙ୍କ ସଂଖ୍ୟା 42କୁ ହ୍ରାସ ପାଇଛି । ଦୁଇ ଥର ବିଧାୟକ ସ୍ବତନ୍ତ୍ର ଦେବ ଚଳିତ ସରକାରରେ ପରିବହନ ବିଭାଗ ଦାୟିତ୍ବରେ ରହିଥିଲେ । ଇସ୍ତଫା ପରେ ବର୍ତ୍ତମାନ ଉତ୍ତର ପ୍ରଦେଶର ବିଜେପି ମୁଖ୍ୟ ଭାବରେ ନିଜର ଦାୟିତ୍ବ ନିର୍ବାହ କରିବେ ସ୍ବତନ୍ତ୍ର ଦେବ ।
Tags:
