ବରିଷ୍ଠ କଂଗ୍ରେସ ନେତା ତଥା ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲ ନାଥଙ୍କ ଭଣଜା ରତୁଲ ପୁରୀଙ୍କୁ ଆଜି ସକାଳେ ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଗିରଫ କରିଛି। ବ୍ୟାଙ୍କ ଠକେଇ ମାମଲାରେ ତାଙ୍କୁ ଗିରଫ କରାଯାଇଛି। ସେଣ୍ଟ୍ରାଲ ବ୍ୟାଙ୍କ ଅଫ୍ ଇଣ୍ଡିଆର ୩୫୪.୫୧ କୋଟି ଟଙ୍କା ଠକେଇ ମାମଲାରେ ଗତ ଶନିବାର ରତୁଲ ପୁରୀଙ୍କ ବିରୋଧରେ ସିବିଆଇ ମାମଲା ରୁଜୁ କରିଥିଲା। ରତୁଲଙ୍କ ବ୍ୟତୀତ ଏମ୍ବିଆଇଏଲ୍ର ପ୍ରବନ୍ଧ ନିର୍ଦ୍ଦେଶକ ଦୀପକ ପୁରୀ, ନୀତା ପୁରୀ, ସଞ୍ଜୟ ଜେନ୍, ବିନିତ ଶର୍ମାଙ୍କ ସହ ଆଉ କେତେକ କର୍ମଚାରୀଙ୍କ ବିରୋଧରେ ଠକେଇ, ଜାଲିଆତି ଓ ଅପରାଧିକ ଷଡ଼ଯନ୍ତ୍ର ଓ ଦୁର୍ବ୍ୟବହାର ପରି ମାମଲାର ଦାୟର କରାଯାଇଛି। ଅଗସ୍ତା ୱେଷ୍ଟଲ୍ୟାଣ୍ଡ ମାମଲାରେ ରତୁଲ ପୁରୀ ତଦନ୍ତ ପରିସରଭୁକ୍ତ ରହିଛନ୍ତି।
Tags:
