ଶ୍ରୀଲଙ୍କା ସ୍ପିନର ଅକିଲା ଧନଞ୍ଜୟ ଏବଂ ନ୍ୟୁଜିଲ୍ୟାଣ୍ଡ ଅଧିନାୟକ କେନ୍ ଓ୍ବିଲିୟମ୍ସନ୍ ସନ୍ଦେହଜନକ ବୋଲିଂ ଆକ୍ସନ୍ କାରଣରୁ ଆଇସିସି ନଜରରେ ଆସିଛନ୍ତି । ଶ୍ରୀଲଙ୍କା ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଅନୁଷ୍ଠିତ ପ୍ରଥମ ଟେଷ୍ଟ ମ୍ୟାଚ୍ରେ ଏହି ଅଭିଯୋଗ ଆସିଥିଲା । ଉଭୟଙ୍କ ବୋଲିଂ ଆକ୍ସନ୍ ଅବୈଧ ରହିଥିବା ନେଇ ଆଇସିସି ନକଟରେ ମ୍ୟାଚ୍ ଅଫିସିଆଲ ପ୍ରକାଶ କରିଥିଲେ । ଉଭୟ ଦଳକୁ ଏ ସମ୍ପର୍କରେ ଅବଗତ କରାଇ ଦିଆଯାଇଛି । ଅଗଷ୍ଟ 18 ତାରିଖରେ ଏହି ଅଭିଯୋଗ ଆସିଥିବା ବେଳେ 14 ଦିନ ମଧ୍ୟରେ ଆଇସିସି ଏହା ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରିବ । ଉଭୟ ଖେଳାଳି 14 ଦିନ ମଧ୍ୟରେ ଆଇସିସି ତତ୍ତ୍ବାବଧାନରେ ନିଜର ବୋଲିଂ ଆକ୍ସନ୍ ଠିକ୍ କରି କ୍ରିକେଟ୍କୁ ପ୍ରତ୍ୟାବର୍ତ୍ତନ କରି ପାରିବେ । ଉଲ୍ଲେଖଯୋଗ୍ୟ ଯେ, ପ୍ରଥମ ଟେଷ୍ଟରେ ଧନଞ୍ଜୟ 6ଟି ଓ୍ବିକେଟ୍ ଅକ୍ତିଆର କରିଥିବା ବେଳେ ଶ୍ରୀଲଙ୍କା 6ଓ୍ବିକେଟ୍ରେ ମ୍ୟାଚ୍ରେ ବିଜୟୀ ହୋଇଥିଲା ।
Tags:
