ଜାତୀୟ ପୁରସ୍କାର ପ୍ରାପ୍ତ ଦକ୍ଷିଣ ଭାରତୀୟ ଅଭିନେତ୍ରୀ କୀର୍ତ୍ତି ସୁରେଶ ନିଜର ବଲିଉଡ୍ ପଦାର୍ପଣ କରିବାକୁ ଯାଉଛନ୍ତି। ସ୍ପୋର୍ଟସ୍ ଡ୍ରାମା ମୈଦାନ୍ ଜରିଆରେ ନିଜର ବଲିଉଡ୍ ପଦାର୍ପଣ କରିବାକୁ ଯାଉଛନ୍ତି ଚଳିତ ବର୍ଷର ଜାତୀୟ ପୁରସ୍କାର ବିଜେତା। ଫୁଟ୍ବଲ୍ କୋଚ୍ ସୟଦ୍ ଅବଦୁଲ୍ ରହିମ୍ଙ୍କ ଆତ୍ମଜୀବନି ଉପରେ ନିର୍ମିତ ହେବାକୁ ଥିବା ଏହି ଫିଲ୍ମରେ ଅଜୟ ଦେବଗନଙ୍କ ବିପକ୍ଷରେ ନଜର ଆସିବେ କୀର୍ତ୍ତି। ମଙ୍ଗଳବାର କୀର୍ତ୍ତି ନିଜର ଟ୍ବିଟ୍ଟର ଆକାଉଣ୍ଟରେ ମୈଦାନ୍ର ପୋଷ୍ଟର ସେୟାର କରିଛନ୍ତି। ରହିମ୍ ଭାରତକୁ ୧୯୫୧ ଏବଂ ୧୯୬୨ ଏସିଆନ୍ ଗେମ୍ସ ଫୁଟ୍ବଲ୍ରେ ବିଜୟୀ କରାଇଥିଲେ। ରହିମ୍ଙ୍କ ପତ୍ନୀ ଭୂମିକାରେ ନଜର ଆସିବେ କୀର୍ତ୍ତି ସୁରେଶ । କୀର୍ତ୍ତି ସୁରେଶ ୨୦୧୩ ରେ ମାଲାୟଲମ୍ ଫିଲ୍ମ ଗୀତାଞ୍ଜଳି ଜରିଆରେ ସିଲ୍ଭର ସ୍କ୍ରିନ୍କୁ ଆସିଥିବା ବେଳେ ୨୦୧୪ ରେ ତାମିଲ ଫିଲ୍ମ ଇଧୁ ଏନା ମୟମରେ ନଜର ଆସିଥିଲେ । ୨୦୧୫ ର ବ୍ଲକବଷ୍ଟର ତେଲୁଗୁ ଫିଲ୍ମ ନେନୁ ଶୈଳଜା ଜରିଆରେ ତେଲୁଗୁ ଇଣ୍ଡଷ୍ଟ୍ରୀରେ ପଦାର୍ପଣ କରିଥିଲେ । ୨୦୧୭ ରେ ତେଲୁଗୁ ଏବଂ ତାମିଲ ଫିଲ୍ମ ମହାନାଟୀରେ ଅଭିନୟ ପାଇଁ ଜାତୀୟ ପୁରସ୍କାର ହାସଲ କରିଛନ୍ତି କୀର୍ତ୍ତି।
