ଦକ୍ଷିଣଭାରତୀୟ ଫିଲ୍ମର ଲୋକପ୍ରିୟ ଅଭିନେତା ଚିରଞ୍ଜିବୀଙ୍କ ୬୪ତମ ଜନ୍ମଦିବସ । ସାଉଥ୍ର ମେଗାଷ୍ଟାର ଚିରଞ୍ଜବୀ ୨୨ ଅଗଷ୍ଟ ୧୯୫୫ ମସିହାରେ ଆନ୍ଧ୍ରପ୍ରଦେଶର ପଶ୍ଚିମ ଗୋଦାବରୀ ଜିଲ୍ଲାରେ ଜନ୍ମ ହୋଇଥିଲେ । ଏହି ଲୋକପ୍ରିୟ ଅଭିନେତା ଜଣକ ରାଜନେତା ଭାବେ ମଧ୍ୟ ବେଶ୍ ଲୋକପ୍ରିୟ ।୧୯୭୮ ମସିହାରେ ‘ପୁନାଥିରାଲ୍ଲୁ’ର ଅଭିନୟ କ୍ୟାରିଅର୍ ଆରମ୍ଭ କରିଥିଲେ ଚିରଞ୍ଜବୀ । କିନ୍ତୁ ’ପ୍ରଣାମ୍ ଖରିଦୁ’ ଫିଲ୍ମଟି ପ୍ରଥମେ ପରଦାରେ ପ୍ରଦର୍ଶିତ ହୋଇଥିଲେ । କିନ୍ତୁ ନିର୍ଦ୍ଦେଶକ ବାପୁଙ୍କ ଫିଲ୍ମ ‘ମନା ପୁରୀ ପଂଡାବୁଲୁ’ରେ ଚିରଞ୍ଜିବଙ୍କୁ ଲୋକପ୍ରିୟତା ମିଳିଥିଲା । କ୍ୟାରିଅର୍ ପ୍ରାରମ୍ଭରେ ତେଲୁଗୁ ଫିଲ୍ମରେ କାମ କରିଥିବାବେଳେ ପରବର୍ତ୍ତୀ ସମୟରେ କନ୍ନଡ଼ ଓ ହିନ୍ଦୀ ଫିଲ୍ମରେ ମଧ୍ୟ ନିଜର ଅଭିନୟର ଯାଦୁ ଦେଖାଇଛନ୍ତି । ପାଖାପାଖି ୧୦୦ରୁ ଉର୍ଦ୍ଧ୍ବ ଫିଲ୍ମରେ ଅଭିନୟ କରିଛନ୍ତି ଚିରଞ୍ଜିବୀ । ନିଜ ଅଭିନୟ କ୍ୟାରିଅର୍ରେ ଦକ୍ଷିଣ ଭାରତୀୟ ଫିଲ୍ମ ପାଇଁ ୯ଟି ଫିଲ୍ମଫେୟାର୍ ଆଓ୍ବାର୍ଡ ପାଇବା ସହିତ ‘ପଦ୍ମଭୂଷଣ’ ସମ୍ମାନରେ ମଧ୍ୟ ସମ୍ମାନିତ ହୋଇଛନ୍ତି ଚିରଞ୍ଜିବୀ । ଏତଦ୍ବ୍ୟତୀତ ଆନ୍ଧ୍ର ବିଶ୍ବବିଦ୍ୟାଳୟ ତରଫରୁ ତାଙ୍କୁ ଡକ୍ଟରେଟ୍ ଉପାଧି ମଧ୍ୟ ମିଳିଛି । ଅଭିନୟ ବ୍ୟତୀତ ରାଜନୀତିରେ ବେଶ୍ ରୁଚି ରଖିଛନ୍ତି ଏହି ଲୋକପ୍ରିୟ ଅଭିନେତା ଜଣକ । ୨୦୦୮ ମସିହାରେ ଚିରଞ୍ଜିବୀ ଆନ୍ଧ୍ରପ୍ରଦେଶର ପ୍ରଜା ରାଜ୍ୟମ୍ ପାର୍ଟି ସ୍ଥାପନା କରିବା ସହିତ ୨୦୦୯ରେ ବିଧାନସଭା ନିର୍ବାଚନରେ ଲଢି ୧୮ଟି ଆସନରେ ବିଜୟ ହୋଇଥିଲେ। ଏହା ସହିତ ଚିରଞ୍ଜିବୀ ଆଇ ବ୍ୟାଙ୍କ୍ ଓ ବ୍ଲଡ୍ ବ୍ୟାଙ୍କର ଏକ ଚ୍ୟାରିଟି ଟ୍ରଷ୍ଟ କରିଛନ୍ତି । ଆନ୍ଧ୍ରପ୍ରଦେଶ ସରକାରଙ୍କ ତରଫରୁ ଚିରଞ୍ଜିବୀଙ୍କ ଏହି ଟ୍ରଷ୍ଟ ସବୁଠୁ ଅଧିକ ରକ୍ତ ସଂଗ୍ରହ କରିବାରେ ପୁରସ୍କାର ଲାଭ କରିଛି।
