ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରମଙ୍କୁ କୋର୍ଟରେ ହାଜର କରାଇଛି କେନ୍ଦ୍ରୀୟ ତଦନ୍ତ ବ୍ୟୁରୋ (ସିବିଆଇ) । କଡା ସୁରକ୍ଷା ବ୍ୟବସ୍ଥା ମଧ୍ୟରେ ଚିଦାମ୍ବରମଙ୍କୁ ସ୍ବତନ୍ତ୍ର କୋର୍ଟରେ ହାଜର କରାଯାଇଥିବା ବେଳେ ଚିଦାମ୍ବରମ୍ଙ୍କ ଓକିଲ କପିଲ୍ ଶିବଲ୍ ଏବଂ ଅଭିଷେକ ମନୁ ସିଂଘଭୀ ମଧ୍ୟ କୋର୍ଟରେ ଉପସ୍ଥିତ ଥିଲେ । ସିବିଆଇ ପକ୍ଷରୁ 5 ଦିନିଆ ରିମାଣ୍ଡ ଦାବି କରାଯାଇଥିବା ବେଳେ କପିଲ୍ ଶିବଲ୍ ଏହାକୁ ବିରୋଧ କରିଛନ୍ତି । ଶିବଲ୍ କହିଛନ୍ତି ଦୀର୍ଘ 10 ବର୍ଷ ପରେ ମାମଲାର ଏଫ୍ଆଇଆର ଦାଖଲ କରାଯାଇଛି । ମୁଖ୍ୟ ଅଭିଯୁକ୍ତ କର୍ତ୍ତୀଙ୍କୁ ଜାମିନ ମିଳି ସାରିଥିବା ବେଳେ ଅନୁମତି ଦେଇଥିବା ଅଧିକାରୀଙ୍କ ବିପକ୍ଷରେ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନାହିଁ । ଏହାକୁ ନେଇ ଚିଦାମ୍ବରମ୍ଙ୍କ ରିମାଣ୍ଡ ଆବେଦନକୁ ବିରୋଧ କରିଥିଲେ କପିଲ ଶିବଲ ।
Tags:
