ବଲିଉଡ୍ ଅଭିନେତା ସଞ୍ଜୟ ଦତ୍ତ ଏବଂ ମନୀଷା କୋଇରାଲା ଦୀର୍ଘ ଏକ ଦଶନ୍ଧି ପରେ ଏକତ୍ର ନଜର ଆସିବାକୁ ଯାଉଛନ୍ତି । ୨୦୧୦ର ତେଲୁଗୁ ବ୍ଲକ୍ବଷ୍ଟର ପ୍ରସ୍ଥାନମ୍ର ଅଫିସିଆଲ୍ ରିମେକ୍ରେ ଏହି ୯୦ ଦଶକର ସୁପରହିଟ୍ ଯୋଡି ଏକତ୍ର ନଜର ଆସିବେ । ଉଭୟ ଶେଷଥର ପାଇଁ ମେହବୁବାରେ ନଜର ଆସିଥିଲେ । ତେଲୁଗୁ ଫିଲ୍ମର ନିର୍ଦ୍ଦେଶକ ଦେବା କଟ୍ଟା ଏହି ଫିଲ୍ମର ନିର୍ଦ୍ଦେଶନା ଦେଉଛନ୍ତି । ଫରହାଦ୍ ସାମ୍ଜୀ ଏହି ଫିଲ୍ମର କାହାଣୀ ଲେଖିଛନ୍ତି । ୨୦୧୦ରେ ଫିଲ୍ମଟି ନିର୍ମାଣ ହୋଇଥିବା ବେଳେ ବର୍ତ୍ତମାନର ପରସ୍ଥିତି ଅନୁଯାୟୀ କାହାଣୀରେ ସାମାନ୍ୟ ପରିବର୍ତ୍ତନ କରାଯାଇଛି । ସଞ୍ଜୟ ଓ ମନୀଷାଙ୍କ ବ୍ୟତୀତ ଅଲୀ ଫଜଲ, ସତ୍ୟଜିତ୍ ଦୁବେ ପ୍ରମୁଖ ଭୂମିକାରେ ନଜର ଆସିବେ । ଫିଲ୍ମଟି ୨୦ସେପ୍ଟେମ୍ବରରେ ଦ ଜୋୟା ଫ୍ୟାକ୍ଟର ସହିତ ରିଲିଜ୍ ହେବ ।
