ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ରବିବାର ମନ୍ କି ବାତ୍ ଜରିଆରେ ଦେଶବାସୀଙ୍କୁ ସମ୍ବୋଧିତ କରିଛନ୍ତି । ଧାରା 370 ଉଚ୍ଛେଦ ପରେ ପ୍ରଥମ ଥର ଦେଶବାସୀଙ୍କୁ ସମ୍ବୋଧିତ କରିଛନ୍ତି ମୋଦି । ଜମ୍ମୁ କାଶ୍ମୀରରୁ ଧାରା 370 ଉଚ୍ଛେଦକୁ ନେଇ ଦେଶବାସୀଙ୍କୁ କୃତଜ୍ଞତା ଜଣାଇଥିଲେ । ନିଜର ଏହି ମନ୍ କି ବାତ୍ରେ ମୋଦି ଜରୁରୀ କାଳୀନ ପରସ୍ଥିତି, ଜଳ ସମସ୍ୟା ଏବଂ ଅନ୍ତର୍ଜାତୀୟ ଯୋଗ ଦିବସ ସମ୍ପର୍କରେ ଆଲୋଚନା କରିଥିଲେ । ଦ୍ବିତୀୟ ଥର କ୍ଷମତାକୁ ପ୍ରତ୍ୟାବର୍ତ୍ତନ ପରେ ମୋଦିଙ୍କର ଏହା ତୃତୀୟ ମନ୍ କି ବାତ୍ । ଆସନ୍ତା ଅକ୍ଟୋବର 2ରେ ଦେଶ ମହାତ୍ମା ଗାନ୍ଧୀଙ୍କ 150 ତମ ଜନ୍ମ ବାର୍ଷିକୀ ପାଳନ କରିବାକୁ ଯାଉଛି । ଏହି ଅବସରରରେ ଭାରତକୁ ପ୍ଲାଷ୍ଟିକ ମୁକ୍ତ ଭାରତରେ ପରିଣତ କରିବାକୁ ଆହ୍ବାନ ଦେଇଛନ୍ତି । ମହାତ୍ମାଙ୍କ ଆଦର୍ଶରେ ଅନୁପ୍ରାଣିତ ହୋଇ ଦେଶବାସୀ ସେବା ମନୋଭାବ ଆପଣେଇବା ଉଚିତ୍ ବୋଲି ମୋଦି କହିଛନ୍ତି । ସେହିପରି ଜନ୍ମାଷ୍ଟମୀ ଅବସରରେ ଦେଶବାସୀଙ୍କୁ ଶୁଭେଚ୍ଛା ଜଣାଇବା ସହିତ କୃଷ୍ଣ ଚକ୍ର ଏବଂ ମହାତ୍ମା ଗାନ୍ଧୀ ଚରଖା ଧରି ଲୋକଙ୍କ ସେବା କରିଥିଲେ ବୋଲି ମୋଦି କହିଥିଲେ । ସେହିପରି ବିଅର ଗ୍ରିଲ୍ଙ୍କ ସହିତ ଡିସ୍କଭରୀ ଚ୍ୟାନେଲ୍ରେ ନଜର ଆସିବା ପ୍ରସଙ୍ଗରେ ମଧ୍ୟ ମୋଦି ଆଲୋଚନା କରିଥିଲେ ।
