କାଶ୍ମୀର ପ୍ରସଙ୍ଗରେ ପାକିସ୍ତାନକୁ ଜାତିସଂଘର ଝଟ୍କା । କାଶ୍ମୀର ଏକ ଦ୍ବିପାକ୍ଷିକ ସମ୍ପର୍କ ବୋଲି କହିବା ସହିତ ମଧ୍ୟସ୍ଥତା କରିବାକୁ ମନା କରିଛନ୍ତି ଜାତିସଂଘ । ଗତକାଲି ଜାତିସଂଘର ମାନବାଧିକାର ବୈଠକରେ ଭାରତ ମଧ୍ୟ କାଶ୍ମୀରକୁ ଏକ ଦ୍ବିପାକ୍ଷିକ ବୋଲି ଦର୍ଶାଇବା ସହିତ ଏହି ପ୍ରସଙ୍ଗରେ ମଧ୍ୟସ୍ଥତା ଲୋଡା ନାହିଁ ବୋଲି କହିଥିଲା । ପାକିସ୍ତାନ କିଭଳି ଆତଙ୍କବାଦୀ କାର୍ଯ୍ୟକଳାପ ଚଳାଉଛି, ସେ ସମ୍ପର୍କରେ ଜାତିସଂଘକୁ ଭାରତ ଅବଗତ କରାଇଥିଲା । ୩୭୦ ଉଚ୍ଛେଦ ପରେ ଜମ୍ମୁ-କଶ୍ମୀରକୁ ନିଜର ବୋଲି ଦାବି କରୁଥିବା ପାକିସ୍ତାନ ଏହି ପ୍ରସଙ୍ଗକୁ ନେଇ ଅନ୍ୟ ବିଶ୍ବ ସମୁଦାୟ ଆଗରେ ନିନ୍ଦିତ ହୋଇସାରିଛି । ପୂର୍ବରୁ ଏହି ପ୍ରସଙ୍ଗକୁ ଆମେରିକା ସମେତ ଚୀନ୍, ରୁଷ୍ ସମେତ ଅନ୍ୟାନ୍ୟା ରାଷ୍ଟ୍ର ସମୂହ ମଧ୍ୟ ଏହାକୁ ଦ୍ବିପାକ୍ଷିକ ପ୍ରସଙ୍ଗ ବୋଲି କହିବା ସହିତ ଭାରତକୁ ସମର୍ଥନ କରିଛନ୍ତି । ଗତକାଲି ଜାତିସଂଘରେ ପାକିସ୍ତାନ ମଧ୍ୟ କାଶ୍ମୀର ଭାରତର ଏକ ଅଂଶ ବୋଲି ସ୍ବୀକାର କରିଥିଲା । ଗତକାଲି ପାକିସ୍ତାନର ବୈଦେଶିକ ମନ୍ତ୍ରୀ ଶାହ ମହମ୍ମଦ କ୍ୟୁରେସି କାଶ୍ମୀରର ଭାରତର ଏକ ରାଜ୍ୟ ବୋଲି କହିଥିଲେ । ମିଳିତ ଜାତିସଂଘର ୪୨ତମ ମାନବାଧିକାର ବୈଠକରେ କ୍ୟୁରେଶୀ ଏହି ମତ ଦେଇଥିଲେ । ଏହି ବୈଠକରେ ଭାରତକୁ ଘେରିବା ପାଇଁ ପାକିସ୍ତାନ ଜମ୍ମୁ-କଶ୍ମୀର ଗୋଟି ଚାଳନା କରିଥିଲା ।
ଜମ୍ମୁ-କଶ୍ମୀରରେ ଭାରତ ସରକାର କଟକଣା ଜାରି କରି ଲୋକଙ୍କ ମାନବାଧିକାର ଉଲ୍ଲଙ୍ଘନ କରୁଥିବା ମଧ୍ୟ ପାକିସ୍ତାନ କହିବା ସହିତ ଏହି ପ୍ରସଙ୍ଗରେ ଜାତିସଂଘ ମାନବାଧିକାର ପରିଷଦ ତୁରନ୍ତ ଭାରତ ସରକାରଙ୍କୁ ଜମ୍ମୁ-କଶ୍ମୀରରୁ କଟକଣା ପ୍ରତ୍ୟାହାର କରିବାକୁ ନିର୍ଦ୍ଦେଶ ଦିଅନ୍ତୁ ବୋଲି ପାକିସ୍ତାନ ବୈଦେଶିକ ମନ୍ତ୍ରୀ ଶାହ ମେହେମ୍ମୁଦ କୁରେଶୀ କହିଥିଲେ । ଏଥିସହ ଜମ୍ମୂ-କଶ୍ମୀର ସମ୍ପର୍କରେ ୧୧୫ ପୃଷ୍ଠାର ଏକ ଦସ୍ତାବିଜ୍ ପାକିସ୍ତାନ ପକ୍ଷରୁ ଜାତିସଂଘ ମାନବାଧିକାର ପରିଷଦକୁ ଦିଆଯାଇଥିଲା।ଏହା ସହିତ ଜମ୍ମୁ କାଶ୍ମୀରରେ ଭାରତ ସରକାର ସାଧାରଣ ଜନତାଙ୍କ ଉପରେ ଅତ୍ୟାଚାର କରୁଛନ୍ତି ବୋଲି ମଧ୍ୟ କହିଥିଲେ । ସେ କହିଥିଲେ “ଭାରତ ସରକାର ମିଥ୍ୟା ପ୍ରଚାର କରି ବିଶ୍ୱ ଦରବାରରେ ନିଜର ଭାବମୂର୍ତ୍ତିକୁ ସୁଧାରିବାକୁ ଚେଷ୍ଟା କରୁଛନ୍ତି । ଜମ୍ମୁ-କଶ୍ମୀରରେ ସ୍ଥିତି ଆଦୌ ସ୍ୱାଭାବିକ ହୋଇନାହିଁ ।ଏଠାରେ କଟକଣା ଲାଗୁ କରାଯାଇ ଲୋକଙ୍କ ମାନବାଧିକାରର ଉଲ୍ଲଙ୍ଘନ କରାଯାଉଛି । ଭାରତ ସରକାର କଶ୍ମୀରକୁ ନେଇ ମିଛ କହୁଛନ୍ତି । ସେଠାରୁ କର୍ଫ୍ୟୁ ହଟିଲେ ସମଗ୍ର ବିଶ୍ବ ମାମଲାର ସତ୍ୟତା ଜାଣି ପାରିବ ବୋଲି କ୍ୟରେସି କହିବା ସହିତ ଏହି ପ୍ରସଙ୍ଗରେ ଜାତିସଂଘର ମଧ୍ୟସ୍ଥତା ପାଇଁ ଅପିଲ୍ କରିଥିଲେ । କିନ୍ତୁ ଆଜି ଉଭୟ ରାଷ୍ଟ୍ରଙ୍କ ତଥ୍ୟକୁ ନେଇ କାଶ୍ମୀର ପ୍ରସଙ୍ଗ ଦ୍ବିପାକ୍ଷିକ ବୋଲି କହିବା ସହିତ ଏହି ପ୍ରସଙ୍ଗରେ ମଧ୍ୟସ୍ଥତା କରିବେ ନାହିଁ ଜଣାଇଛନ୍ତି ।