ଆଫଗାନିସ୍ଥାନ ରାଷ୍ଟ୍ରପତି ଅଶରଫ ଗନୀଙ୍କ ରାଲିରେ ଆଇଡି ବ୍ଲାଷ୍ଟ, ୨୪ମୃତ

ଆଫଗାନିସ୍ଥାନର ପରବନ ସହରରେ ଆଜି ଏକ ଆତ୍ମଘାତୀ ଆକ୍ରମଣ ହୋଇଛି। ରାଷ୍ଟ୍ରପତି ଅଶରଫ ଗନୀଙ୍କ ଏକ ରାଲି ସମୟରେ ବିସ୍ଫୋରଣ ହୋଇଥିଲା। ଏହି ଆକ୍ରମଣରେ ପାଖାପାଖି ୨୪ଜଣଙ୍କର ମୃତ୍ୟୁ ଘଟିଥିବା ବେଳେ ୩୦ଜଣ ଆହତ ହୋଇଛନ୍ତି।  ରାଲି ହେଉଥିଵା ଗେଟ ନିକଟରେ ଏହି ବିସ୍ଫୋରଣ ହୋଇଥିଲା। ରାଲିରେ ବହୁ ମହିଳା ଏବଂ ଶିଶୁମାନେ ମଧ୍ୟ ଉପସ୍ଥିତ ଥିଲେ। ଏହି ଆକ୍ରମଣ ସମୟରେ ରାଷ୍ଟ୍ରପତି ଅଶରଫ୍‌ ଗନୀ ଉପସ୍ଥିତ ରହିଥିଲେ। କିନ୍ତୁ ତାଙ୍କର କୌଣସି କ୍ଷତି ହୋଇନାହିଁ, ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ବୋଲି ସୂଚନା ରହିଛି। ତେବେ ଏହି ଆକ୍ରମଣ ପଛରେ କେଉଁ ଆତଙ୍କୀ ସଙ୍ଗଠନର ହାତ ରହିଛି, ତାହା ଏପର୍ଯ୍ୟନ୍ତ ଜଣାପଡିନାହିଁ।