ରନୱେ ରିକାର୍ପିଙ୍ଗ୍ ପାଇଁ ଦୀର୍ଘ ୮ ମାସ କାଳ ପର୍ଯ୍ୟାୟ କ୍ରମେ ବିଜୁ ପଟ୍ଟନାୟକ ବିମାନବନ୍ଦର ବନ୍ଦ ରଖିବାକୁ ନିଷ୍ପତ୍ତି ନିଆଯାଇଛି । ନଭେମ୍ବର ୧ରୁ ଜୁନ ୩୦ଯାଏଁ ବିମାନବନ୍ଦର ପର୍ଯ୍ୟାୟକ୍ରମେ ରହିଵ ବୋଲି ଗତକାଲି ସୂଚନା ମିଳିଥିଲା। ଏହାଦ୍ଵାରା ଉଭୟ ଯାତ୍ରୀ ଏବଂ ବିମାନ ପ୍ରଭାବିତ ହେବେ ବୋଲି ଅନୁମାନ କରାଯାଉଥିଲା। ତେବେ ଏନେଇ କୌଣସି ଅସୁବିଧା ହେବ ନାହିଁ ବୋଲି ଆଜି ଭୁବନେଶ୍ଵର ବିମାନବନ୍ଦର ନିର୍ଦ୍ଦେଶକ ସୁରେଶ ଚନ୍ଦ୍ର ହୋତା ସ୍ପଷ୍ଟ କରିଛନ୍ତି। ସୁରେଶ ଚନ୍ଦ୍ର ହୋତା କହିଛନ୍ତି କି, ବର୍ତ୍ତମାନ ସମୟରେ ବିମାନବନ୍ଦରରେ ୨ଟି ରନୱେ ରହିବା କଥା। ଏହା ପୁରୁଣା ବିମାନବନ୍ଦର ଯୋଗୁଁ ଏଠାରେ ଗୋଟିଏ ରନୱେ ରହିଛି। ୫୨୩ ମିଟର ବିକଳ୍ପ ରନୱେକୁ ଡି-କମିଶନ ପାଇଁ କହିଛନ୍ତି ଡିଡିସିଏ। ଭୁବନେଶ୍ଵର ନିକଟରେ ନୂଆ ଏୟାରପୋର୍ଟ କେବଳ ଜମି ଚିହ୍ନଟରେ ଅଟକିଛି। ରିକାର୍ପେଟିଂ ପାଇଁ ବେଶୀ ବିମାନ ଉଡାଣ ପ୍ରଭାବିତ ନହେବା ପାଇଁ ଆଶା ରଖାଯାଇଛି। ଶେଷ ଥର ପାଇଁ ୨୦୦୭ରେ ରନୱେ ରିକାର୍ପେଟିଂ ହୋଇଥିଲା । ଏବେ ଭୁବନେଶ୍ଵରକୁ ଦୈନିକ ୩୯ଟି ବିମାନ ଯାତାୟତ କରୁଛି। ପ୍ରତି ୧୦ ବର୍ଷରେ ଥରେ ରିକାର୍ପେଟିଙ୍ଗ୍ କରାଯାଏ। ଏବେ ରନୱେର ଅବସ୍ଥା ଖରାପ ଥିବାରୁ ଏଭଳି ନିଷ୍ପତ୍ତି ନିଆଯାଇଛି।
