ଆଜି ବାଣପୁରଠାରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ନୂତନ ମୋଟର ଯାନ ଆଇନ୍ ପରେ ପରିବହନ ବିଭାଗ ଓ ପୋଲିସ୍ ପକ୍ଷରୁ ବିଭିନ୍ନ ସ୍ଥାନରେ ଗାଡ଼ି ମୋଟର ଯାଞ୍ଚ କଡ଼ାକଡି କରାଯାଇଥିବା ବେଳେ ଜରିମାନା ମଧ୍ୟ ଆଦାୟ କରାଯାଉଛି । ଏହାକୁ ନେଇ ସାଧାରଣରେ ଅସନ୍ତୋଷ ମଧ୍ୟ ଦେଖାଯିବା ସହିତ ଅନେକ ସ୍ଥାନରେ ଅପ୍ରୀତିକର ପରିସ୍ଥିତ ଘଟୁଥିବାର ନଜରକୁ ଆସୁଛି । ତେବେ ଲୋକମାନଙ୍କୁ ନୂତନ ମୋଟର ଯାନ ଆଇନ୍ ସମ୍ପର୍କରେ ଧାରଣା ଦେବା ସହିତ ସଚେତନତା ସୃଷ୍ଟି କରିବା ଲକ୍ଷ୍ୟରେ ଖୋର୍ଦ୍ଧା ଜିଲ୍ଲା ବାଣପୁର ପୋଲିସ୍ ପକ୍ଷରୁ ବାଣପୁରଠାରେ ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି ।
ଥାନା ଭାରପ୍ରାପ୍ତ ଅଧିକାରୀ ଶ୍ରୀଯୁକ୍ତ ସଞ୍ଜୟ କୁମାର ପଟ୍ଟନାୟକ , ସବ୍ଇନ୍ସପେକ୍ଟର ଉମାକାନ୍ତ ସାହୁ ଓ ଚିଲିକା ରିପୋର୍ଟର ଆସୋସିଏସନର ସଭାପତି ସୁନୀଲ କୁମାର ସୁବୁଦ୍ଧି , ସମ୍ପାଦକ ଅମିତାଭ ପଟ୍ଟୋଜୋଶୀ , ଉପ-ସଭାପତି ଲକ୍ଷ୍ମୀଧର ମହାପାତ୍ର, କାର୍ଯ୍ୟ।କାରୀ ସଦସ୍ୟ ଏସ୍.କେ ମୋଇନଉଲ ହକ୍, କୋଷାଧକ୍ଷ ଅରୁଣ କୁମାର ପ୍ରଧାନ, ଉତ୍ତମ କୁମାର ଓ ଅନ୍ୟାନ ରିପୋର୍ଟର ଓ ବାଣପୁର ପୋଲିସ୍ ଥାନାର ଅନ୍ୟ ଅଧିକାରୀଙ୍କ ମିଳିତ ଚେଷ୍ଟାରେ ବାଣପୁର ଦକ୍ଷପ୍ରଜାପତି ମନ୍ଦିର ପାଖରେ ଏହି ସଡକ ସୁରକ୍ଷା ସଚେତନତା ଅନୁଷ୍ଠିତ ହୋଇଥିଲା ।
ଏହି ସଚେତନତା କାର୍ଯ୍ୟକ୍ରମକୁ ସଫଳ କରିବା ପାଇଁ ଖୋର୍ଦ୍ଧା ଜିଲ୍ଲାର ଏସ୍.ପି ଶ୍ରୀଯୁକ୍ତ ଅଜୟ ପ୍ରତାପ ସ୍ଵାଇଁ ଓ ତାଙ୍କ ସହିତ ବାଲୁଗାଁ ଏସ୍.ଡି.ପି.ଓ ସୁନୀଲ କୁମାର ମହାନ୍ତି , ବାଣପୁର ତହସିଲଦାର ସୁଷମା ବାରିକ ,ବାଣପୁର ବିଜ୍ଞାପିତ ଅଞ୍ଚଳର କାର୍ଯ୍ୟନିର୍ବାହୀ ଅଧିକାରୀ ଶ୍ରୀଯୁକ୍ତ ସନ୍ତୋଷ କୁମାର ନିହାଲ ଯୋଗ ଦେଇଥିଲେ । ଏହି କାର୍ଯ୍ୟକ୍ରମ ଜରିଆରେ ନିୟମ ମାନି ଗାଡି ଚଳାଇବା, ହେଲମେଟ ପିନ୍ଧିବା , ସିଟବେଲ୍ଟ ବାନ୍ଧିବା ଆଦି ବିଷୟରେ ବୁଝାଇବା ସହିତ ସେମାନଙ୍କୁ ଗୋଲାପ ଫୁଲ ଓ ଚକୋଲେଟ ପ୍ରଦାନ କରିଥିଲେ। ଖୋର୍ଦ୍ଧା ଏସ୍.ପି ଅଜୟ ପ୍ରତାପ ସ୍ଵାଇଁ ସଡକ ସୁରକ୍ଷା ସମ୍ପର୍କିରେ ଅଭିଭାଷଣ ପ୍ରଦାନ କରି ଜନସାଧାରଣଙ୍କୁ ସଡକ ନିୟମ ମାନିବାକୁ ଅନୁରୋଧ କରିଥିଲେ।