ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଅନୁଷ୍ଠିତ ପ୍ରଥମ ଟେଷ୍ଟରେ ଦୃଢ ସ୍ଥିତିରେ ରହିଛି ଭାରତ । ଭାରତ ପକ୍ଷରୁ ରୋହିତ ଶର୍ମା ଅପରାଜିତ ଶତକ ହାସଲ କରିଛନ୍ତି । ଟସ୍ ଜିତି ଭାରତ ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିବା ବେଳେ ରୋହିତ ଏବଂ ମୟଙ୍କ ଅଗ୍ରଓ୍ବାଲ 200 ରନ୍ର ଭାଗିଦାରୀ କରିଥିଲେ । ଚା ପାନ ବିରତି ବେଳକୁ ଭାରତ କୌଣସି ଓ୍ବିକେଟ ନହରାଇ 202 ରନ୍ ସଂଗ୍ରହ କରିଛି । ରୋହିତ ଓପନର ଭାବରେ ବ୍ୟାଟିଂ କରି ଏହି ମ୍ୟାଚ୍ରେ ଶତକ ହାସଲ କରିଥିଲେ । ରୋହିତ 174 ବଲ୍ର ସମ୍ମୁଖୀନ ହୋଇ 115 ରନ୍ରେ ବ୍ୟାଟିଂ କରୁଥିବା ବେଳେ ମୟଙ୍କ ଅଗ୍ରଓ୍ବାଲ 183 ବଲ୍ର ସମ୍ମୁଖୀନ ହୋଇ 84 ରନ୍ରେ ବ୍ୟାଟିଂ କରୁଛନ୍ତି । ରୋହିତ ନିଜ ଇନିଂସରେ 12ଟି ଚୌକା ଏବଂ 5ଟି ଛକ୍କା ମାରିଥିବା ବେଳେ ମୟଙ୍କ 11ଟି ଚୌକା ଏବଂ 2ଟି ଛକ୍କା ମାରିଛନ୍ତି । ଦକ୍ଷିଣ ଆଫ୍ରିକା ପକ୍ଷରୁ 5 ଜଣ ବୋଲରଙ୍କୁ ନିୟୋଜିତ କରାଯାଇଥିବା ବେଳେ ସଫଳତା ମିଳିନଥିଲା ।
