ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଅନୁଷ୍ଠିତ ପ୍ରଥମ ଟେଷ୍ଟ ମ୍ୟାଚ୍ରେ ମୟଙ୍କ ଅଗ୍ରଓ୍ବାଲ(112*) ଶତକ ହାସଲ କରିଛନ୍ତି । ବର୍ଷା ବାଧାପ୍ରାପ୍ତ ପ୍ରଥମ ଦିନରେ ଭାରତ ପକ୍ଷରୁ ରୋହିତ ଶର୍ମା ଶତକ ହାସଲ କରିଥିବା ବେଳେ ଦ୍ବିତୀୟ ଦିନରେ ମୟଙ୍କ ଅଗ୍ରଓ୍ବାଲ ନିଜର ପ୍ରଥମ ଶତକ ହାସଲ କରିଛନ୍ତି । ନିଜର ପଞ୍ଚମ ଟେଷ୍ଟ ମ୍ୟାଚ୍ ଖେଳୁଥିବା ମୟଙ୍କ ତିନୋଟି ଅର୍ଦ୍ଧଶତକ ଏବଂ ଗୋଟିଏ ଶତକ ହାସଲ କରିଛନ୍ତି । ପୂର୍ବରୁ ମୟଙ୍କ ନିଜର ପ୍ରଥମ ଚାରିଟି ଟେଷ୍ଟ ବିଦେଶ ମାଟିରେ ଖେଳିଥିବା ବେଳେ ଘରୋଇ ପଦାର୍ପଣରେ ଶତକ ହାସଲ କରିଛନ୍ତି । ଏହା ସହିତ ରୋହିତ ଶର୍ମା 150 ରନ୍ ହାସଲ କରିଛନ୍ତି । ଦୁଇ ଜଣଙ୍କ ଶତକ ସହାୟତାରେ ଭାରତ 77 ଓଭର ଶେଷ ସୁଦ୍ଧା କୌଣସି ଓ୍ବିକେଟ୍ ନ ହରାଇ 283 ରନ୍ ସଂଗ୍ରହ କରିଛି ।
