ଆଜି ସାରା ରାଜ୍ୟରେ ମାଁ ଦୁର୍ଗାଙ୍କର ମହାଷ୍ଟମୀ ଅବସରରେ ପୁଣି ରକ୍ତ ରଞ୍ଜିତ ହୋଇଛି କଳାହାଣ୍ଡିର ଆରାଧ୍ୟଦେବୀ ମାଁ ମାଣିକେଶ୍ୱରୀଙ୍କ ଛତର ଯାତ୍ରା । ପ୍ରଶାସନର କଟକଣା ସତ୍ୱେ ପ୍ରସିଦ୍ଧ ଛତର ଯାତ୍ରାରେ ପଡ଼ିଲା ମାନସିକଧାରୀଙ୍କ ପଶୁ ଓ ପକ୍ଷୀ ବଳି । ଅନେକ କଟକଣା ସତ୍ୱେ ପୁଣି ଛତର ଯାତ୍ରାରେ ହଜାର ହଜାର ଲୋକେ ବଳି ଦେଇଛନ୍ତି । ଜେନାଖାଲରୁ ମାଣିକେଶ୍ୱରୀ ମନ୍ଦିରକକୁ ଛତର ଫେରୁଥିବା ବେଳେ ବଳି ପଡ଼ିଛି । ସହର ଓ ପୂଜାସ୍ଥଳରେ ଶାନ୍ତି ଓ ସୁରକ୍ଷା ବଜାୟ ରଖିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ 10 ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି ।
