ରାଉରକେଲା କୁଆଁରମୁଣ୍ଡା ବ୍ଲକ କାର୍ଯ୍ୟାଳୟରୁ ଏକ ବଡ ଧରଣରୁ ଲୁଟ ହୋଇଛି । କିଛି ଦୁବୃର୍ତ୍ତ ବାଇକରେ ଆସି ବନ୍ଧୁକ ଦେଖାଇ ୧୩ ଲକ୍ଷ ଟଙ୍କା ଲୁଟ କରିନେଇଛନ୍ତି । ଆଜି ସକାଳେ ଏକ ଗାଡିରେ ଭତ୍ତା ଟଙ୍କା ନେଇ ବ୍ଲକ କୋଷାଧ୍ୟକ୍ଷ ଓ ସିକ୍ୟୁରିଟି ଗାର୍ଡ ଯାଉଥିଲେ । ସେହି ସମୟରେ ୩ଟି ବାଇକରେ ୫ଜଣ ଦୁର୍ବୃତ୍ତ ମୁଖା ପିନ୍ଧି ଆସିଥିଲେ । ସେମାନେ ସିକ୍ୟୁରିଟି ଗାର୍ଡ ଓ କୋଷାଧ୍ୟକ୍ଷଙ୍କୁ ବନ୍ଧୁକ ଦେଖାଇ ଧମକାଇବା ସହ ମାଡ ମଧ୍ୟ ମାରିଥିଲେ। ଏହାସହ ପ୍ରାୟ ୧୩ଲକ୍ଷ ଟଙ୍କା ଲୁଟି ନେଇଥିଲେ । ଏନେଇ ଥାନାରେ ଲିଖିତ ଅଭିଯୋଗ ହେବା ପରେ ପୋଲିସ ଏହାର ତଦନ୍ତ କରୁଛି ।
