ଜମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ଫାରୁକ୍ ଅବଦୁଲ୍ଲାଙ୍କ ଝିଅ ଏବଂ ଭଉଣୀଙ୍କୁ ଅଟକ ରଖିଛି ଜମ୍ମୁ କାଶ୍ମୀର ପୋଲିସ୍। ଧାରା ୩୭୦ ଉଚ୍ଛେଦ ପ୍ରତିବାଦରେ ବିରୋଧ ପ୍ରଦର୍ଶନ କରୁଥିବା ବେଳେ ଅବଦୁଲ୍ଲାଙ୍କ ଭଉଣୀ ସୁରେୟା ଏବଂ ଝିଅ ସାଫିୟାକୁ ପୋଲିସ୍ ଅଟକ ରଖିଛି। ଧାରା ୩୭୦ ଉଚ୍ଛେଦ ପ୍ରତିବାଦରେ ଶ୍ରୀନଗରରେ ଧାରଣା ଅବସରରେ ପୋଲିସ୍ ଉଭୟଙ୍କୁ ଅଟକ ରଖିଛି। କାଶ୍ମୀର ମହିଳାଙ୍କୁ ଅନ୍ୟ ରାଜ୍ୟରେ ବିବାହ ଅନୁମତିର ବିରୋଧ କରି କିଛି ମହିଳାଙ୍କ ସହିତ ପ୍ଲା କାର୍ଡ ଧରି ଉଭୟ ବିରୋଧ ପ୍ରଦର୍ଶନ କରୁଥିଲେ। କାଶ୍ମୀର ଜନସାଧାରଣ ଖୁସିଥିବା ନେଇ କେନ୍ଦ୍ର ସରକାର ଡିଣ୍ଡିମ ପିଟୁଥିବା ଜନସାଧାରଣଙ୍କ ବାସ୍ତବ ଅବସ୍ଥା କେହି ଦେଖାଉ ନାହାନ୍ତି ବୋଲି ଉଭୟ ପ୍ରକାଶ କରିଛନ୍ତି।
