ମହାରାଷ୍ଟ୍ର ନିର୍ବାଚନ ପୂର୍ବରୁ ଅଡୁଆରେ ପଡିଛନ୍ତି ଏନ୍ସିପି ନେତା ପ୍ରଫୁଲ୍ଲ ପଟେଲ୍। ଅଣ୍ଡରଓ୍ବାର୍ଲ୍ଡ ଡନ୍ ଦାଉଦ୍ ଇବ୍ରାହିମ୍ ସହିତ ସମ୍ପତ୍ତି କାରବାରକୁ ନେଇ ପ୍ରବର୍ତ୍ତନ ନିର୍ଦ୍ଦେଶାଳୟ ପକ୍ଷରୁ ନୋଟିସ୍ ଜାରି କରାଯାଇଛି। ଜଣେ ଡ୍ରଗ୍ ବ୍ୟବସାୟୀଙ୍କ ପତ୍ନୀଙ୍କ ନିକଟରୁ ଏକ ଘର କିଣିବା କାରଣରୁ ଏହି ନୋଟିସ୍ ଜାରି କରାଯାଇଛି। ଉଲ୍ଲେଖଯୋଗ୍ୟ ଯେ, ଡ୍ରଗ୍ସ ବ୍ୟବସାୟୀ ଇକ୍ବାଲ ମିର୍ଚ୍ଚି ୨୦୧୩ରେ ଲଣ୍ଡନରେ ପ୍ରାଣ ହରାଇଥିଲା। ଇକ୍ବାଲ ଦାଉଦ୍ର ଘନିଷ୍ଠ ସହଯୋଗୀ ରହିଥିବାରୁ ଇଡି ପକ୍ଷରୁ ପଟେଲ୍ଙ୍କୁ ନୋଟିସ୍ ଜାରି କରାଯାଇଛି। ରାଜନୈତିକ ଅଭିସନ୍ଧି ରଖି ବିଜେପି ପକ୍ଷରୁ ଏହା କରାଯାଇଛି ବୋଲି ଏନ୍ସିପି ନେତା ଶରଦ ପଓ୍ବାର ଅଭିଯୋଗ କରିଛନ୍ତି।
