ହରିୟାଣା ରାଜନୀତିର ଛକାପଂଝା ଭିତରେ ଏବେ ସ୍ଥିରତା ଆସିଯାଇଛି । ରବିବାର ଦିନ ବିଜେପି ନେତା ମନୋହର ଲାଲ୍ ଖଟ୍ଟର ଦ୍ବିତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ । ରବିବାର ଅପରାହ୍ନ ୨ଟା ୧୫ରେ ସେ ଶପଥ ଗ୍ରହଣ କରିବେ। ମନେହାର ବିଧାୟକ ଦଳର ନେତା ଭାବେ ନିର୍ବାଚିତ ହବୋ ପରେ ଶନିବାର ରାଜ୍ୟପାଳଙ୍କୁ ଭେଟି ସେ ତାଙ୍କ ଇସ୍ତଫା ପତ୍ର ଦେବା ସହ ସରକାର ଗଠନ କରିବାକୁ ଅନୁରୋଧ କରିଥିଲେ। ଆଉ ଏହାକୁ ରାଜ୍ୟପାଳ ଗ୍ରହଣ କରି ନେଇଥିବା ସେ କହିଛନ୍ତି। ରବିବାର ଦିନ ରାଜ ଭବନ ପରିସରରେ ଖଟ୍ଟର ମୁଖ୍ୟମନ୍ତ୍ରୀ ଭାବେ ଶବଥ ନେବେ। ଏହାସହ ଜନନାୟକ ଜନତା ପାର୍ଟି(ଜେଜେପି) ନେତା ଦୁଷ୍ମନ୍ତ ଚୌତାଲା ମଧ୍ୟ ଉପ ମୁଖ୍ୟମନ୍ତ୍ରୀ ଭାବେ ଶପଥ ନେବେ ବୋଲି ସେ ସୂଚନା ଦେଇଛନ୍ତି। ସୂଚନାଯୋଗ୍ୟ, ହରିୟାଣାର ୯୦ଟି ବିଧାନସଭା ଆସନରେ ବିଜେପି ୪୦ଟି ଆସିନ ଜିତିଥିବାବେଳେ ମ୍ୟାଜିକ୍ ୪୬ ନମ୍ବରଠାରୁ ଦୂରରେ ରହିଥିଲା । ଅପରପକ୍ଷରେ କଂଗ୍ରେସ ୩୧ଟି ଆସନ ଜିତିଥିଲା ।
