ନିଫ୍ଟୀ ୫୦ର ଅଂଶଧନ ମୂଲ୍ୟରେ ବୃଦ୍ଧି ସହିତ ଭାରତୀୟ ସେୟାର ବଜାର ଉପରକୁ ଉଠିଛି। ବୁଧବାର ଦିନ ସେନସେକ୍ସ ୨୦୦ପଏଣ୍ଟ ଉପରକୁ ଉଠିବା ସହିତ ୪୦ ହଜାର ପଏଣ୍ଟ ଅତିକ୍ରମ କରିଛି। ବୁଧବାର ଦିନ ଭାରତୀ ଇନ୍ଫ୍ରାଟେଲ୍, ଜୀ ଏଣ୍ଟରଟେନମେଣ୍ଟ, ଇନ୍ଫୋସିସ୍, ନେଷ୍ଟଲେ ଏବଂ ଆଇଟିସି ସେୟାର ମୂଲ୍ୟରେ ଅଭିବୃଦ୍ଧି ଘଟିବାରୁ ସେନସେକ୍ସରେ ଏହି ଅଭିବୃଦ୍ଧି ଘଟିଛି। ୨୦୦ ପଏଣ୍ଟ ବୃଦ୍ଧି ସହିତ ସେନସେକ୍ସ ୪୦୧୦୬ ପଏଣ୍ଟରେ ରହିଥିବା ବେଳେ ନିଫ୍ଟୀରେ ୫୪ ପଏଣ୍ଟର ଅଭିବୃଦ୍ଧି ସହିତ ୧୧୮୪୦ ପଏଣ୍ଟରେ ପହଞ୍ଚିଛି। ଏହି ସମୟରେ ନିଫ୍ଟି ଅଟୋର ଅଂଶଧନ ମୂଲ୍ୟରେ ୦.୭ ପ୍ରତିଶତ ହ୍ରାସ ଘଟିଛି।
