ସମୀକ୍ଷା ବ୍ୟୁରୋ
ଭାରତର ଲୌହମାନବ ସର୍ଦ୍ଦାର ବଲ୍ଲଭ ଭାଇ ପଟେଲଙ୍କ ପୁଣ୍ୟତିଥିରେ ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ(ଏବିଭିପି) ତରଫରୁ ବାଣପୁର- ବାଲୁଗାଁ ନଗର ଶାଖା ତରଫରୁ ଆଜି ବାଣପୁରଠାରେ ‘ ରନ୍ ବାଣପୁର ରନ୍’ ନାମରେ ଏକ ଦୌଡ ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଉକ୍ତ ପ୍ରତିଯୋଗିତାରେ ପାଖାପାଖି ଦେଢ଼ ସହ ପ୍ରତିଯୋଗୀ ଭାଗ ନେଇଥିଲେ। ଏହି ଦୌଡ ବାଣପୁର ଗୋଦାବରୀଶ ମହାବିଦ୍ୟାଳୟ ସମ୍ମୁଖରୁ ବାହାରି ପଲଟନ ପଡିଆଠାରେ ଶେଷ ହୋଇଥିଲା। ପରିଶେଷରେ ଛାୟା ମଣ୍ଡପ ଠାରେ ପୁରସ୍କାର ବିତରଣି ଉତ୍ସବ ଅନୁଷ୍ଠିତ ହୋଇଥିଲା। ଏହି ଉତ୍ସବରେ ମୁଖ୍ୟ ଅତିଥି ଭାବେ ଏବିଭିପିର ଶୁଭେଛୁ ତଥା ଭେଟେଶ୍ଵର ପଞ୍ଚାୟତର ସରପଞ୍ଚ ଜିତେନ୍ଦ୍ର ଭୋଳ ଯୋଗଦେଇଥିବା ବେଳେ ମୁଖ୍ୟବକ୍ତା ଭାବେ ବିଶିଷ୍ଟ ଶିକ୍ଷାବିତ ତଥା ଗୋଦାବରୀଶ ମହାବିଦ୍ୟାଳୟର ପୂର୍ବତନ ଅଧ୍ୟକ୍ଷ ଶ୍ରୀ ନଳିନୀକାନ୍ତ ପଟ୍ଟନାୟକ ଯୋଗଦେଇଥିଲେ। ସମ୍ମାନୀୟ ଅତିଥି ଭାବେ ଏବିଭିପିର ପୁରାତନ କାର୍ଯ୍ୟକର୍ତ୍ତା ତଥା ତେର ନମ୍ବର ଜୋନ ଜିଲ୍ଲା ପରିଷଦ ସଭ୍ୟ ଅମରେନ୍ଦ୍ର ରଣସିଂହ ଯୋଗ ଦେଇଥିବା ବେଳେ ଅନ୍ୟତମ ସମ୍ମାନୀୟ ଅତିଥି ଭାବେ ବାଣପୁରର ଯୁବ ସମାଜସେବୀ ଗୋପାଳ ଚନ୍ଦ୍ର ପ୍ରଧାନ ପ୍ରତିଯୋଗୀମାନଙ୍କୁ ସର୍ଦ୍ଦାର ପଟେଲଙ୍କ ଉଦ୍ଦେଶ୍ୟରେ ସମ୍ବୋଧିତ କରିଥିଲେ।
ମଞ୍ଚାସୀନ ଅନ୍ୟ ଅତିଥି ତଥା ବାଣପୁର ଅଂଚଳର ବିଶିଷ୍ଟ କ୍ରୀଡାବିତ ବିରଞ୍ଚି ନାରାୟଣ କାଣ୍ଡି ରାଷ୍ଟ୍ରୀୟ ଏକତା ଦିବସ ଉଦେଶ୍ୟରେ ପ୍ରତିଯୋଗୀମାନଙ୍କୁ ଶପଥ ପାଠ କରାଇଥିଲେ। ପରିଶେଷରେ କୃତି ପ୍ରତିଯୋଗୀମାନଙ୍କୁ ଅତିଥିମାନଙ୍କ ଦ୍ୱାରା ପୁରସ୍କାର ଓ ଟ୍ରଫି ପ୍ରଦାନ କରାଯାଇଥିଲା। ଏହି ପ୍ରତିଯୋଗିତାରେ ରିଙ୍କୁ ନାୟକ ପ୍ରଥମ ସ୍ଥାନ ଅଧିକାର କରିଥିବାବେଳେ ବଳରାମ ପ୍ରଧାନ ଓ ଶିବ ଶବର ଯଥାକ୍ରମେ ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଛନ୍ତି। ରକ୍ତଦାନ ଓ ରକ୍ତ ସହାୟତା କ୍ଷେତ୍ରରେ ଉଲ୍ଲେଖନୀୟ ଅବଦାନ ଲାଗି ବାଣପୁରର ସୁପୁତ୍ର ତଥା ରେଡକ୍ରସର ଯୁବ ପରାମର୍ଶଦାତା ଅଧ୍ୟାପକ ରଞ୍ଜନ ମହାପାତ୍ରଙ୍କୁ ବିଦ୍ୟାର୍ଥୀ ପରିଷଦ ତରଫରୁ ଉପଢୌକନ ଦେଇ ସମ୍ମାନିତ କରାଯାଇଥିଲା। ନଗର ସମ୍ପାଦକ ବିକାଶ ସେଠି ମଞ୍ଚ ପରିଚାଳନା କରିଥିବା ବେଳେ ନଗର ଛାତ୍ରୀ ପ୍ରମୁଖ ବର୍ଷା ପ୍ରଧାନ ଧନ୍ୟବାଦ ଅର୍ପଣ କରିଥିଲେ। ଜିଲ୍ଲା ଛାତ୍ରୀ ପ୍ରମୁଖ ସଂଗୀତା ସ୍ୱାଇଁ ପରିଷଦ ସଂଗୀତ ଗାନ କରିଥିବା ବେଳେ ପ୍ରିୟାଂଶୁ ଓ ରାଜା ଅତିଥିମାନଙ୍କୁ ସ୍ୱାଗତ କରିଥିଲେ। ଉକ୍ତ କାର୍ଯ୍ୟକ୍ରମକୁ ବ୍ୟବସ୍ଥା ପ୍ରମୁଖ ସୀତାରାମ ଅଗ୍ରୱାଲ ପରିଚାଳନା କରିଥିବା ବେଳେ ବିଶ୍ୱଜିତ, ଚିନ୍ମୟ, ଆଦିତ୍ୟ, ଦୀନେଶ, ଜନ୍ମେଜୟ, ଶ୍ରୀତମ, ତନ୍ମୟ, ଅଜୟ ଆତ୍ମାନନ୍ଦ, ଲିଙ୍କି, ଅର୍ଚନା, କିର୍ତ୍ତୀ, ହିମାଂଶୁ, ଭବାନୀ, ତରୁଣ ଓ ଏବିଭିପିର ବହୁ କାର୍ଯ୍ୟକର୍ତ୍ତା ସହଯୋଗ କରିଥିଲେ। ଏହି କାର୍ଯ୍ୟକ୍ରମକୁ ସଫଳ କରିବା ପାଇଁ ବାଣପୁର ପୋଲିସ୍, ଡାକ୍ତରଖାନା ଓ ଏନ୍.ଏ.ସି ପୂର୍ଣ୍ଣ ସହଯୋଗ କରିଥିଲେ।