ଶ୍ରୀଲଙ୍କା ରାଷ୍ଟ୍ରପତି ନିର୍ବାଚନରେ ବିଜୟୀ ହୋଇଛନ୍ତି ଗୋଟାବାୟା ରାଜପକ୍ଷା । ରବିବାର ଅନୁଷ୍ଠିତ ଶ୍ରୀଲଙ୍କା ରାଷ୍ଟ୍ରପତି ନିର୍ବାଚନରେ ସରକାରୀ ଦଳର ରାଷ୍ଟ୍ରପତି ପ୍ରାର୍ଥୀ ସଜିଥା ପ୍ରେମଦାସାଙ୍କୁ ପରାସ୍ତ କରିଛନ୍ତି । ଅବସରପ୍ରାପ୍ତ ଲ୍ୟୁଟନାଣ୍ଟ କଲୋନେଲ୍ ରାଜପକ୍ଷା ପୂର୍ବତନ ଶ୍ରୀଲଙ୍କା ରାଷ୍ଟ୍ରପତି ମହିନ୍ଦ୍ରା ରାଜପକ୍ଷାଙ୍କ ସାନ ଭାଇ । ମହିନ୍ଦ୍ରା ରାଜପକ୍ଷାଙ୍କୁ 53-54 ପବ୍ରତିଶତର ଭୋଟ ମିଳିଥିବା ଜଣାପଡିଛି । ସୋମବାର ରାଜପକ୍ଷା ରାଷ୍ଟ୍ରପତି ଭାବରେ ଶପଥ ଗ୍ରହଣ କରିବେ ବୋଲି ଦଳୀୟ ମୁଖପାତ୍ର ଖେଲିୟା ରାମ୍ବୁକେଓ୍ବାଲା ପ୍ରକାଶ କରିଛନ୍ତି । ସରକାରୀ ଦଳ ଦୃଢ ସ୍ଥିତିରେ ରହିଥିଲେ ମଧ୍ୟ ଗୁଇନ୍ଦା ବିଫଳତା କାରଣରୁ ଇଷ୍ଟରରେ ଶ୍ରୀଲଙ୍କା ବିସ୍ଫୋରଣ ଘଟି 269 ଜଣଙ୍କର ପ୍ରାଣହାନି ଘଟିଥିଲା । ଏହି ବିସ୍ଫୋରଣ ଶ୍ରୀଲଙ୍କା ନିର୍ବାଚନକୁ ପ୍ରଭାବିତ କରିଥିଲା । ନିର୍ବାଚନରେ ପରାଜୟ ପରେ ଶ୍ରୀଲଙ୍କା ମୁଖ୍ୟମନ୍ତ୍ରୀ ରେନିଲ ବିକ୍ରମସିଙ୍ଘେଙ୍କୁ ନିଜ ପଦବୀରୁ ଓହରିବା ପାଇଁ ଶ୍ରୀଲଙ୍କା କ୍ୟାବିନେଟ୍ର ସଦସ୍ୟ ପରାମର୍ଶ ଦେଇଛନ୍ତି ।
