ସମୀକ୍ଷା ବ୍ୟୁରୋ
ପଶ୍ଚିମବଙ୍ଗ, ୨୮/୧୧: ମହାରାଷ୍ଟ୍ରରେ ନୂତନ ସରକାର ଶପଥ ଗ୍ରହଣ ନେବା ଅବସରରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବିଜେପିକୁ ସିଧା ଟାର୍ଗେଟ୍ କରିଛନ୍ତି। ମମତା କହିଛନ୍ତି ଯେ, ପଶ୍ଚିମବଙ୍ଗ ଓ ମହାରାଷ୍ଟ୍ର ଏବେ ବିଜେପି ମୁକ୍ତ ହୋଇଗଲା। ଏବେ ଝାରଖଣ୍ଡର ପାଳି। ଝାରଖଣ୍ଡରେ ବିଜେପି ହାରିବ ବୋଲି କହିଛନ୍ତି ମମତା। ମମତା ମହାରାଷ୍ଟ୍ରରେ ସରକାର ଗଠନକୁ ନେଇ ଏନ୍ସିପି ପ୍ରମୁଖ ଶରଦ ପାଓ୍ବାର ଓ ମହାରାଷ୍ଟ୍ର କଂଗ୍ରେସର ପ୍ରମୁଖ ବାଲାସାହେବ ଥୋରେଟ୍ଙ୍କୁ ଶୁଭେଚ୍ଛା ଜଣାଇଛନ୍ତି। ନୂତନ ନେତୃତ୍ବରେ ମହାରାଷ୍ଟ୍ରରେ ଜନହିତୈଷୀ ଓ ସ୍ଥିର ସରକାର ମିଳିବ ଓ ବିକାଶ ହେବ ବୋଲି ମମତା କହିଛନ୍ତି। ଆଜି ଏନ୍ସିପି-କଂଗ୍ରେସ-ଶିବସେନା ମେଣ୍ଟ ‘ମହାରାଷ୍ଟ୍ର ବିକାଶ ଅଘାଡ଼ି’ ମେଣ୍ଟର ମୁଖ୍ୟମନ୍ତ୍ରୀ ଭାବେ ଶିବସେନା ପ୍ରମୁଖ ଉଦ୍ଧବ ଠାକ୍ରେ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିଛନ୍ତ।