ବିଜନୋର,18/12: ଉତ୍ତର ପ୍ରଦେଶର ଏକ କୋର୍ଟ ମଧ୍ୟରେ ଜଣଙ୍କୁ ହତ୍ୟାର ଗୋଟିଏ ଦିନ ପରେ 18 ଜଣ ପୋଲିସ୍ ଅଧିକାରୀଙ୍କୁ ନିଲମ୍ବନ କରାଯାଇଛି । ମଙ୍ଗଳବାର ଦିନ ବିଜନୋର କୋର୍ଟରେ ଦୁଇ ଜଣଙ୍କ ହତ୍ୟା ମାମଲାରେ ଗିରଫ ହୋଇଥିବା ଶାହାନଓ୍ବାଜ ଅନ୍ସାରୀଙ୍କ ବିଚାର ପୂର୍ବରୁ ତିନି ଜଣ ଅପରାଧୀ ତାଙ୍କୁ କୋର୍ଟ ମଧ୍ୟରେ ଗୁଳି କରି ହତ୍ୟା କରିଥିଲେ । ଉକ୍ତ ହତ୍ୟାକାଣ୍ଡ ସମୟରେ କୋର୍ଟରେ ବିଚାରପତିଙ୍କ ସମେତ ଅନ୍ୟାନ୍ୟ ଲୋକ ମଧ୍ୟ ଉପସ୍ଥିତ ଥିଲେ । ଅନ୍ସାରୀଙ୍କୁ ହତ୍ୟା କରି ତିନି ଅଭିଯୁକ୍ତ ପଳାଉଥିବା ବେଳେ ପୋଲିସ୍ ତିନି ଜଣଙ୍କୁ ଗିରଫ କରିବାରେ ସକ୍ଷମ ହୋଇଛି । (ଏଜେନ୍ସୀ)
