ଜମ୍ମୁ, 21/12 : ଜମ୍ମୁରେ ଶନିବାର ଦିନ ହିନ୍ଦୁ ଓ ମୁସଲମାନ ସମ୍ପ୍ରଦାୟ ଦୁହେଁ ଏକତ୍ର ନାଗରିକତା ସଂଶୋଧନ ଆଇନକୁ ସମର୍ଥନ କରିବା ସହିତ ଦେଶରେ ଶାନ୍ତି ଓ ଭାଇଚାରା ରକ୍ଷା କରିବା ପାଇଁ ଅପିଲ୍ କରିଛନ୍ତି। ଏହି ଆଇନକୁ ସମର୍ଥନ କରି ସମର୍ଥକମାନେ କହିଛନ୍ତି ଯେ, ଭୋଟ୍ ବ୍ୟାଙ୍କ ରାଜନୀତି ପାଇଁ ଦେଶରେ କିଛି ରାଜନୈତିକ ଦଳ ହିନ୍ଦୁ ଓ ମୁସଲମାନଙ୍କୁ ପରସ୍ପର ବିରୋଧରେ ଝଗଡା ପାଇଁ ଉସୁକାଉଛନ୍ତି। ନାଗରିକତା ସଂଶୋଧନ ଆଇନ ମୁସଲମାନ ବିରୋଧୀ ନୁହେଁ। ଏଥିରେ ବିଦେଶୀ ଯିବେ ହିନ୍ଦୁସ୍ତାନୀ ନୁହଁନ୍ତି। ଏପରି କିଛି ନାରା ଦେଇ କିଛି ହିନ୍ଦୁ ଓ ମସୁଲମାନ ସମ୍ପ୍ରଦାୟର ବ୍ୟକ୍ତିମାନେ ଏହି ଆଇନକୁ ସମର୍ଥନ କରି ଏକ ରାଲି କରିଛନ୍ତି। ଏହି ସମର୍ଥକମାନେ ପୂର୍ବତନ ପ୍ରଧାନମନ୍ତ୍ରୀ ଡ. ମନମୋହନ ସିହଙ୍କୁ ନାଗରିକତା ସଂଶୋଧନ ବିଲ୍ ଆଣିବା ନେଇ ପ୍ରଶ୍ନ କରି କହିଛନ୍ତି ଯେ, ଯଦି ଆପଣ ଦେଶରେ ନାଗରିକତା ସଂଶୋଧନ ବିଲ୍ ଆଣିବା ପାଇଁ ଚେଷ୍ଟା କରୁଥିଲେ, ତେବେ ଏହାର ବିରୋଧ କ’ଣ ପାଇଁ କରୁଛନ୍ତି। ଏହି ସମର୍ଥକମାନ କହିଛନ୍ତି ଯେ, ନମାଜ ପରେ କିଏ ଯାନବାହନ ପୋଡ଼େ, ତ୍ରିରଙ୍ଗା ହାତରେ ଧରି ହିଂସା କରିବା କେତେ ଦୂର ଯୁକ୍ତିଯୁକ୍ତ । ଦେଶରେ ହିନ୍ଦୁ ଓ ମୁସଲମାନ ଏକ। ଏମାନେ କୌଣସି ରାଜନୈତିକ ଦଳର ମାୟାରେ ପଡ଼ିବେ ନାହିଁ। (ଏଜେନ୍ସି)
