ସମୀକ୍ଷା ବ୍ୟୁରୋ
ଭୁବନେଶ୍ବର ,24/12 : ଆସନ୍ତା ଫେବୃୟାରୀ 19ରୁ ମେଟ୍ରିକ୍ ପରୀକ୍ଷା ଆରମ୍ଭ ହେବାକୁ ଯାଉଛି । ଫେବୃୟାରୀ 19ରୁ ଆରମ୍ଭ ହୋଇ ପରୀକ୍ଷା ମାର୍ଚ୍ଚ 2 ତାରିଖ ପର୍ଯ୍ୟନ୍ତ ଚାଲିବ ବୋଲି ମାଧ୍ୟମିକ ଶିକ୍ଷା ବୋର୍ଡ ପକ୍ଷରୁ ମଙ୍ଗଳବାର ଘୋଷଣା କରାଯାଇଛି । ପ୍ରଥମ ଦିନରେ ଓଡିଆ ଭାଷା ପରୀକ୍ଷା ରହିବ । 22 ତାରିଖରେ ଇଂରାଜୀ, 24 ତାରିଖରେ ହିନ୍ଦୀ/ ସଂସ୍କୃତ, 26 ତାରିଖରେ ଗଣିତ, 28ରେ ସାଧାରଣ ବିଜ୍ଞାନ ଏବଂ ମାର୍ଚ୍ଚ2 ତାରିଖରେ ସାମାଜିକ ବିଜ୍ଞାନ ପରୀକ୍ଷା ଅନୁଷ୍ଠିତ ହେବ । ସକାଳ 10ଟାରୁ 12.30 ପର୍ଯ୍ୟନ୍ତ ପରୀକ୍ଷା ଅନୁଷ୍ଠିତ ହେବ । କେବଳ ଗଣୀତ ପରୀକ୍ଷାରେ 15 ମିନିଟ୍ ଅତିରିକ୍ତ 15 ମିନିଟ୍ ସମୟ ପ୍ରଦାନ କରାଯିବ ବୋଲି ବୋର୍ଡ ପକ୍ଷରୁ କୁହାଯାଇଛି । ଏହା ସହିତ ଏକ୍ସ ରେଗୁଲାର ଏବଂ ମଧ୍ୟମା ଛାତ୍ରଛାତ୍ରୀଙ୍କ ପରୀକ୍ଷା ମଧ୍ୟ ସମାନ୍ତରାଳ ଭାବରେ ହେବ ବୋଲି ଘୋଷଣା କରାଯାଇଛି । ଚଳିତ ବର୍ଷ ପରୀକ୍ଷା ଢାଞ୍ଚାରେ ମଧ୍ୟ ପରିବର୍ତ୍ତନ କରାଯାଇଛି । 50ଟି ଓଏମ୍ଆର ପ୍ରଶ୍ନପତ୍ର ବଦଳରେ 50ଟି ସଂକ୍ଷିପ୍ତ ଉତ୍ତରମୂଳକ ପ୍ରଶ୍ନ ରହିବା ନେଇ ଘୋଷଣା କରାଯାଇଛି ।
Board dismisses English for three centers for malpractice