ନୂଆଦିଲ୍ଳୀ,03/01: ବିଗତ ଦୁଇ ମାସ ମଧ୍ୟରେ 445 ବାଂଲାଦେଶୀ ନାଗରିକଙ୍କୁ ପ୍ରତ୍ୟର୍ପଣ କରାଯାଇଛି । ବର୍ଡର ଗାର୍ଡ ବାଂଲାଦେଶ (ବିଜିବି) ପକ୍ଷରୁ ଶୁକ୍ରବାର ଏହି ଘୋଷଣା କରାଯାଇଛି । ଦେଶରେ ଏନ୍ଆରସି ଲାଗୁ କରିବା ନେଇ ସୃଷ୍ଟି ହୋଇଥିବା ଉତ୍ତେଜନା କାରଣରୁ ଏହି 445 ଜଣଙ୍କୁ ପ୍ରତ୍ୟର୍ପଣ କରାଯାଇଛି ବୋଲି ବିଜିବି ମୁଖ୍ୟ ଏମ୍ଡି ସଫିନୁଲ୍ ଇସ୍ଲାମ୍ ପ୍ରକାଶ କରିଛନ୍ତି । ନଭେମ୍ବର ଏବଂ ଡିସେମ୍ବରରେ ସମୁଦାୟ 1000 ଲୋକ ଅବୈଧ ଭାବରେ ସୀମା ଅତିକ୍ରମ କରିଥିବା ବେଳେ ତନ୍ମଧ୍ୟରୁ 445 ଜଣଙ୍କୁ ବାଂଲାଦେଶକୁ ଫେରାଇ ଦିଆଯାଇଛି । ପ୍ରତ୍ୟର୍ପଣ କରାଯାଇଥିବା 445 ଜଣଙ୍କ ମଧ୍ୟରୁ ତିନି ଜଣ ମାନବ ଚାଲାଣକାରୀ ରହିଥିବା ଜଣାପଡିଛି । ପ୍ରତ୍ୟର୍ପିତ ବାଂଲାଦେଶୀଙ୍କ ନାମରେ 253ଟି ମାମଲା ରୁଜୁ କରାଯାଇଥିବା ଜଣାପଡିଛି । (ଏଜେନ୍ସୀ)
