ସମୀକ୍ଷା ବ୍ୟୁରୋ
ବାଣପୁର: ବାଣପୁରଠାରୁ ଏକ ଚୋରା ଶାଗୁଆନ କାଠ ବୋଝେଇ ପିକଅପ୍ ଭ୍ୟାନ୍ ଜବତ ହୋଇଛି। ସୂଚନା ପାଇ ବାଣପୁର ଥାନା ଏସ୍ଆଇ ଉମାକାନ୍ତ ସାହୁ, ଏସ୍ଆଇ ପ୍ରସନ୍ନ କୁମାର ଜେନା, ଏସ୍ଆଇ ଦିଗ୍ବିଜୟ ବିଶ୍ବାଳ ପ୍ରମୁଖ ଓଆର୍ ୦୨ବିବି ୭୫୩୩ ଗାଡି ନଂର ଏକ ପିକ୍ଅପ୍ ଗାଡ଼ିକୁ ସାନସିରାଇପୁର ଓ ବେରୁଆଁବାଡି ଗ୍ରାମ ମଧ୍ୟରୁ ଜବତ କରିଥିଲେ। ରାତି ତିନିଟା ବେଳେ ଏହି ଗାଡିକୁ ଜବତ କରାଯାଇଥିବାବେଳେ ଘଟଣାସ୍ଥଳରୁ ଡ୍ରାଇଭର ଜଣକ ଫେରାର ହୋଇଯାଛନ୍ତି। ଏହି ଗାଡିଟି ପର୍ଶୁ ବରାଳଙ୍କ ନାମରେ ରହିଥିବାବେଳେ ଚୋରା କାଠ ଚାଲାଣ ଅଭିଯୋଗରେ ପୋଲିସ୍ ତାଙ୍କୁ ଅଟକ ରଖିଛି। ପିକ୍ଅପ୍ ଭ୍ୟାନରୁ ୨୦ ଖଣ୍ଡ ଶାଗୁଆନ୍ କାଠ ଜବତ କରାଯାଇଛି।
ଉଲ୍ଲେଖଯୋଗ୍ୟ ଯେ, ଏସିଆ ମହାଦେଶର ସର୍ବବୃହତ୍ ଶାଗୁଆନ୍ ଜଙ୍ଗଲ ଦାମିଆ ବରବରାରୁ ଶାଗୁଆନ୍ କାଠକୁ କିପରି ବେଆଇନ ଭାବରେ ଚାଲାଣ କରାଯାଉଥିଲା, ତାହା ଏବେ ପ୍ରଶ୍ନର ବିଷୟ। ଚେକ୍ପୋଷ୍ଟ ପରେ ପରେ ଏହି ଚୋରା କାଠ ବୋଝେଇ ପିକ୍ଅପ୍ ଭ୍ୟାନ୍କୁ ଜବତ କରାଯାଇଥିବାବେଳେ ଜଙ୍ଗଲ ସୁରକ୍ଷା ନେଇ ଏବେ ସନ୍ଦେହ ସୃଷ୍ଟି ହୋଇଛି।
ରିପୋର୍ଟର : ସୀତାରାମ ଅଗ୍ରଓ୍ବାଲ