ନୂଆଦିଲ୍ଲୀ : ନିର୍ଭୟା ଗଣ ଦୁଷ୍କର୍ମ ମାମଲାରେ ଅନ୍ୟତମ ଅଭିଯୁକ୍ତ ମୁକେଶ ସିଂର ଯାଚିକା ଖାରଜ କରି ଦେଇଛନ୍ତି ସୁପ୍ରିମକୋର୍ଟ । ରାଜକ୍ଷମା ଖାରଜ ଏବଂ ଜେଲରେ ଯୌନ ନିର୍ଯାତନା ଅଭିଯୋଗରେ ମୁକେଶ ପକ୍ଷରୁ ଏହି ଯାଚିକା ଦାଖଲ କରାଯାଇଥିଲା । କୋର୍ଟ ଏହି ଯାଚିକାକୁ ଖାରଜ କରିବା ସହିତ ଯୌନ ନିର୍ଯାତନା ଏବଂ ଫାଶୀ ମଧ୍ୟରେ କୌଣସି ସମ୍ପର୍କ ନାହିଁ ବୋଲି ଉଲ୍ଲେଖ କରିଥିଲେ । ମାମଲାର ଅନ୍ୟତମ ଅଭିଯୁକ୍ତ ଅକ୍ଷୟ ପକ୍ଷରୁ ମଧ୍ୟ ଏକ କ୍ୟୁରେଟିଭ୍ ପିଟିସନ୍ ଦାଖଲ କରାଯାଇଥିବା ଜଣା ପଡିଛି । ଅନ୍ୟ ତିନି ଅଭିଯୁକ୍ତ ରାଜକ୍ଷମା ଆବେଦନ କରିପାରିନଥିବାରୁ ଫେବୃୟାରୀ 1 ତାରିଖରେ ଫାଶୀ ଦିଆଯିବା ନେଇ ଆଶଙ୍କା ପ୍ରକାଶ ପାଇଛି ।
