ନୂଆଦିଲ୍ଲୀ : ରାସ୍ତାରେ ସର୍ବାଧିକ ଟ୍ରାଫିକ୍ ଭିଡ଼ ହେଉଥିବା ବିଶ୍ୱର ଶ୍ରେଷ୍ଠ ୧୦ଟି ସହର ମଧ୍ୟରେ ଭାରତର ୪ଟି ସହର ସାମିଲ ହୋଇଛି । ଏହି ତାଲିକାରେ ବେଙ୍ଗାଲୁରୁ ପ୍ରଥମ ସ୍ଥାନ ଅଧିକାର କରିଛି । ଆଠ ଲକ୍ଷରୁ ଅଧିକ ଲୋକସଂଖ୍ୟା ଥିବା ୫୭ଟି ଦେଶର ୪୧୬ ସହରକୁ ସର୍ଭେରେ ସାମିଲ କରାଯାଇଥିଲା । ଟ୍ରାଫିକ ମାମଲାରେ ଭାରତର ବେଙ୍ଗାଲୁରୁ ସହର ପ୍ରଥମ ନମ୍ବର ପାଇଛି । ଏଠାରେ ହାରାହାରି ୭୧ ପ୍ରତିଶତ କଞ୍ଜକଶନ ରେକର୍ଡ କରାଯାଇଛି। ସେହିଭଳି ୬୫ ପ୍ରତିଶତ ସହିତ ମୁମ୍ବାଇ ଚତୁର୍ଥ ସ୍ଥାନ ଅଧିକାର କରିଥିବାବେଳେ ଓ ୫୯ ପ୍ରତିଶତ ସହିତ ପୁଣେ ପଞ୍ଚମ ସ୍ଥାନରେ ରହିଛି । ଭାରତର ରାଜଧାନୀ ଦିଲ୍ଲୀ ଏହି ତାଲିକାରେ ଅଷ୍ଟମ ସ୍ଥାନ ଅଧିକାର କରିଛି । ତାଲିକାର ଶ୍ରେଷ୍ଠ ୧୦ରେ ସାମିଲ ଥିବା ଅନ୍ୟ ସହରଗୁଡ଼ିକ ହେଲା ଫିଲିଫାଇନ୍ସର ମନିଲା (୨ୟ), କଲମ୍ବିଆର ବଗୋଟା (୩ୟ), ରୁଷିଆର ମସ୍କୋ (୬ଷ୍ଠ), ପେରୁର ଲିମା (୭ମ), ତୁର୍କୀର ଇସ୍ତାନବୁଲ (୯ମ) ଓ ଇଣ୍ଡୋନେସିଆର ଜାକର୍ତ୍ତା (୧୦ମ) ପ୍ରମୁଖ ରହିଛନ୍ତି । ଏସିଆ ମହାଦେଶର ଟ୍ରାଫିକ ଭିଡ଼ ତାଲିକାରେ ଭାରତର ବେଙ୍ଗାଲୁର ସହର ଶୀର୍ଷରେ ଅଛି । ଅର୍ବାନ ମୋବିଲିଟୀ କ୍ଷେତ୍ରରେ କାମ କରୁଥିବା ସ୍ୱାସ୍ଥ୍ୟ ଏବଂ ଲୋକେଶନ ଟେକ୍ନୋଲୋଜୀ ବିଶେଷଜ୍ଞ ଟମଟମ ଦ୍ୱାରା ଏହି ରିପୋର୍ଟ ପ୍ରସ୍ତୁତ କରାଯାଇଛି । (ଏଜେନ୍ସି)
